દારૂના નશામાં ટલ્લી થયેલી યુવતીએ પોલીસને ભાંડી ગાળો, પકડ્યો કાઠલો અને પછી… – જુઓ વિડીયો

હાલમાં એક વીડિયો સોશિયલ મીડિયા(Social media)માં વાયરલ(Viral video) થઈ રહ્યો છે. મુંબઈ(Mumbai)માં દારૂના નશામાં ધૂત ત્રણ યુવતીઓએ રસ્તા વચ્ચે હંગામો મચાવ્યો હતો. આરોપ છે કે, તેઓએ ઓલા કાર(Ola car)ના ડ્રાઈવરને તેની કારમાંથી બહાર કાઢ્યો, કાર કબજે કરી, તેની સાથે દુર્વ્યવહાર કર્યો અને કારમાં તોડફોડ કરવાનો પ્રયાસ કર્યો. એટલું જ નહીં તેણે ઘટનાસ્થળે પહોંચેલા પોલીસકર્મી(Policeman) સાથે પણ ગેરવર્તણૂક કરી હતી. આ મામલામાં ત્રણેય સામે નશાની હાલતમાં હંગામો મચાવવાનો કેસ નોંધવામાં આવ્યો છે. હાલ ત્રણેય પોલીસ કસ્ટડીમાં છે અને આગળની કાર્યવાહી હાથ ધરી છે.

ઓલાના ડ્રાઈવરે ઘટનાનો વીડિયો બનાવ્યો:
આ ઘટનાનો વીડિયો સોશિયલ મીડિયામાં વાયરલ થઈ રહ્યો છે. ઓલાના ડ્રાઈવરે પોતાના જ મોબાઈલના કેમેરામાં આ વિડીયો રેકોર્ડ કર્યો છે. આ વીડિયોના આધારે ત્રણેય સામે કાયદેસરની કાર્યવાહી કરવામાં આવી છે. વીડિયોના અંતમાં એક યુવતી રોડ પર પોલીસકર્મી સાથે દુર્વ્યવહાર કરતી જોવા મળે છે. જો કે બીજી તરફ પોલીસકર્મી પોતાની ફરજ બજાવતા યુવતીને સમજાવતો જોવા મળે છે.

બળજબરીથી કારમાં બેસીને ગેરવર્તન શરૂ કર્યું:
વાસ્તવમાં આ મામલો ગુરુવારે રાતનો હોવાનું કહેવાય છે. જ્યાં દારૂના નશામાં ત્રણ યુવતીઓએ મુંબઈના રસ્તાઓ પર હંગામો મચાવ્યો હતો. આ યુવતીઓએ પહેલા ઓલા કારના ડ્રાઈવર સાથે ગેરવર્તન કર્યું હતું. ત્યારબાદ તેને કારમાંથી બહાર કાઢીને બળજબરી પૂર્વક અંદર બેસી ગયા હતા. ઓલા કાર ડ્રાઈવર સાથે દુર્વ્યવહાર કરવામાં આવ્યો હતો અને કારમાં તોડફોડ કરવામાં આવી હતી.