કાર પર મોત બનીને ત્રાટક્યો પથ્થર: ત્રણ સેકેંડમાં જ ગાડીઓનો કચ્ચરઘાણ, 2 લોકોના મોત- જુઓ ખૌફનાક વિડીયો

Nagaland Shocking Incident: નાગાલેન્ડમાં મંગળવારે સાંજે એક સનસનાટીભરી ઘટના પ્રકાશમાં આવી છે. ચુમુકેડિમા જિલ્લામાં મંગળવારે સાંજે ભૂસ્ખલનને કારણે એક ભયાનક દુર્ઘટના સર્જાઈ હતી. આમાં બે લોકોના મોત થયા છે જ્યારે ત્રણ અન્ય ઘાયલ(Nagaland Shocking Incident) થયા છે. આ ઘટનાનો વીડિયો સોશિયલ મીડિયા પર ખુબ વાયરલ થઈ રહ્યો છે. પોલીસે જણાવ્યું છે કે, ભારે વરસાદ દરમિયાન જૂના ચુમુકેડિમા પોલીસ ચેકપોસ્ટ પાસે નેશનલ હાઈવે 29 પર સાંજે 5 વાગ્યાની આસપાસ આ ઘટના બની હતી.

પોલીસે જણાવ્યું છે કે, અકસ્માતમાં એક વ્યક્તિનું ઘટનાસ્થળે જ મોત થયું હતું જ્યારે અન્ય વ્યક્તિનું રેફરલ હોસ્પિટલમાં સારવાર દરમિયાન તેનું મોત થયું હતું. અધિકારીઓએ જણાવ્યું છે કે ત્રણ ઘાયલોની હાલ હોસ્પિટલમાં સારવાર ચાલી રહી છે.

અકસ્માત કેવી રીતે થયો
વાયરલ વીડિયોમાં તમે જોઈ શકાય છે કે ભારે વરસાદ પડી રહ્યો છે. આ દરમિયાન કારમાં સવાર એક વ્યક્તિ સામે પાર્ક કરેલી કારનો વીડિયો બનાવી રહ્યો છે. આ દરમિયાન સામેની કાર પાસે પહાડ પરથી એક મોટો પથ્થર પડ્યો હતો. પડ્યા પછી, સેકન્ડોમાં, આ પથ્થર આગળની કારને કચડી નાખતો નીચે ગયો. આ અકસ્માત એટલો જબરદસ્ત હતો કે ખડકની લપેટમાં આવી ગયેલી ત્રણ કાર કાટમાળમાં ફેરવાઈ ગઈ હતી.