November 24, 2024
દેશમાં કોરોના(Corona)ની સાથે સાથે ઓમીક્રોને પણ હહાકાર મચાવ્યો છે. ત્યારે હવે કોરોનાના કેસોની સાથે ઓમિક્રોન(Omicron)ના કેસોમાં પણ દિવસેને દિવસે સતત વધારો થઇ રહ્યો છે. કોરોનાના અત્યંત ખતરનાક નવા પ્રકારે સમગ્ર દેશમાં હાહાકાર મચાવ્યો છે. જેને લીધે આંખો દેશ ચિંતિત છે. ત્યારે હવે આ સંક્રમણને રોકવા હવે રાજ્ય સરકાર એલર્ટ(Government Alert) થઇ ગઈ છે.
પંજાબમાં કોરોનાના વધતા જતા કેસો બાદ એલર્ટ બનેલી સરકારે રાજ્યમાં 15 જાન્યુઆરી સુધી નાઈટ કર્ફ્યુ લાગુ કરી દીધો છે. હવે અમુક સંજોગો સિવાય રાત્રે 10 વાગ્યાથી સવારે 5 વાગ્યા સુધી અવરજવર પર પ્રતિબંધ રહેશે. હવે તેને શહેરો અને નગરોમાં લાગુ કરવામાં આવશે. તે જ સમયે, બાર, સિનેમા હોલ, મોલ, રેસ્ટોરન્ટ અને સ્પા 50 ટકા ક્ષમતા સાથે સંચાલિત કરવામાં આવશે. આમાં કર્મચારીઓનું સંપૂર્ણ રસીકરણ જરૂરી રહેશે. જીમ બંધ રહેશે.
તે જ સમયે, જે કર્મચારીઓએ રસીના બંને ડોઝ લીધા છે તેમને જ સરકારી અને ખાનગી કચેરીઓમાં જવાની મંજૂરી આપવામાં આવશે. આ ઉપરાંત શાળા-કોલેજો, યુનિવર્સિટીઓ અને કોચિંગ સેન્ટરો પણ બંધ કરી દેવામાં આવ્યા છે. સ્પોર્ટ્સ કોમ્પ્લેક્સ, સ્વિમિંગ પુલ અને સ્ટેડિયમ પણ બંધ કરી દેવામાં આવ્યા છે. એસી બસમાં અડધા મુસાફરોને જ બેસાડવાનો આદેશ આપવામાં આવ્યો છે.
Trending News
વધતા સંક્રમણ વચ્ચે, કોરોનાના સક્રિય કેસોએ પંજાબની ચિંતા વધારી દીધી છે. 10 દિવસમાં સક્રિય કેસની સંખ્યામાં 1394 નો વધારો નોંધાયો છે. 25 ડિસેમ્બરે આ કેસોની સંખ્યા 347 હતી, જે સોમવારે વધીને 1741 થઈ ગઈ છે. ચેપના દરમાં પણ વધારો નોંધવામાં આવ્યો છે. તે 10 દિવસમાં એકથી વધીને 4.47 ટકા થયો છે. આરોગ્ય વિભાગના જણાવ્યા અનુસાર, રાજ્યમાં અત્યાર સુધીમાં 16866118 લોકોના સેમ્પલ લેવામાં આવ્યા છે, જેમાંથી અત્યાર સુધીમાં 605922 લોકોને ચેપ લાગ્યો છે. રાજ્યમાં અત્યાર સુધીમાં 16651 સંક્રમિત લોકોના મોત થયા છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.