November 05, 2024
ભારત(India)માં કોરોના(Corona) વાયરસના નવો પ્રકાર ઓમિક્રોન(Omicron) ખુબ જ ઝડપથી વધુ ફેલાઈ રહ્યો છે. હવે દેશમાં ઓમિક્રોન સંક્રમિત(Omicron infected) દર્દીઓની કુલ સંખ્યા વધીને 87 થઈ ગઈ છે. દેશમાં ઓમિક્રોનના વધતા જતા કેસોએ સરકારની ચિંતા વધારી દીધી છે. કોરોના વાયરસનું ખતરનાક સ્વરૂપ ઓમિક્રોન અત્યાર સુધીમાં દેશના 11 રાજ્યોમાં ફેલાઈ ચૂક્યું છે.
ગુરુવારે, કર્ણાટકમાં ઓમિક્રોનના 5 કેસો મળી આવ્યા છે, જ્યારે દિલ્હી અને તેલંગાણાની રાજધાની હૈદરાબાદમાં 4-4 અને ગુજરાતમાં 1 સંક્રમિત જોવા મળ્યો છે. બીજી તરફ, કેન્દ્રીય ગૃહ સચિવ અજય ભલ્લાએ દેશના વિવિધ ભાગોમાં કોરોનાના નવા ઓમિક્રોન વેરિઅન્ટના જોખમો વચ્ચે દેશમાં કોવિડ-19ની સ્થિતિની સમીક્ષા કરી હતી.
ગુરુવાર સુધીમાં, ભારતમાં ઓમિક્રોન સંક્રમણના 87 કેસ નોંધાયા છે. મહારાષ્ટ્રમાં અત્યાર સુધીમાં ઓમિક્રોન પર સૌથી વધુ કેસ નોંધાયા છે, અહીં 32 કેસ નોંધાયા છે. રાજસ્થાનમાં 17, રાષ્ટ્રીય રાજધાની દિલ્હીમાં 10, કેરળમાં 5, ગુજરાતમાં 5, કર્ણાટકમાં 8, તેલંગાણામાં 7, બંગાળ, તમિલનાડુ, આંધ્રપ્રદેશ અને ચંદીગઢમાં 1-1 કેસ નોંધાયા છે.
Trending News
ઓમિક્રોન વેરિએન્ટના લક્ષણો:
ઓમિક્રોન વેરિએન્ટના લક્ષણોમાં થાક લાગવો, શરીરમાં દુઃખાવો થવો,માથામાં ખુબ જ દુખાવો થવો વગેરે જેવા લક્ષણોનો સમાવેશ થાય છે.
Omicron સંક્રમિતોમાં નથી જોવા મળતા કોરોના જેવા આ લક્ષણો:
નાક બંધ રહેવું, ખૂબ વધારે તાવ આવવો આ પ્રકારના લક્ષણો ઓમિક્રોનથી સંક્રમિત થયેલા દર્દીઓમાં જોવા મળતા નથી.
જાણો કેમ છે અત્યંત ખતરનાક ઓમિક્રોન?
ઓમિક્રોન વાયરસે સમગ્ર વિશ્વમાં હાહાકાર મચાવ્યો છે. અત્યાર સુધી દુનિયાભરના કુલ 35 જેટલા દેશોમાં ઓમિક્રોને દશેહત ફેલાવી છે. બીજી લહેર લાવનાર ડેલ્ટાથી ઓમિક્રોન 5 ગણો વધુ ઝડપથી ફેલાય છે. જેનો અંદાજો આ આંકડા પરથી લગાવી શકાય છે કે ડેલ્ટા વેરિએન્ટ જેટલો 100 દિવસમાં ફેલાયો હતો ઓમિક્રોન તેટલો માત્ર 15 દિવસમાં જ ઘણા ખરા લોકોને સંક્રમિત કરી રહ્યો છે. ડરની વાત એ છે કે, આ વાયરસનું સંક્રમણ હોવા છતા પણ રિપોર્ટમાં પકડાતો નથી. ઓમિક્રોન વાયરસ ઝડપી સંક્રમિત કરનારો વેરિઅન્ટ છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.