પીએમ મોદી આગામી ત્રણ વર્ષમાં 6 લાખ ગામોને આપવા જઈ રહ્યા છે આ સેવા, જેની રાહ લોકો જોઈ રહ્યા છે

વડા પ્રધાન નરેન્દ્ર મોદીએ આજે કહ્યું કે, આગામી 1,000 દિવસોમાં (ત્રણ વર્ષથી ઓછા સમયમાં), દેશના છ લાખ ગામોને ઝડપી ઇન્ટરનેટ સુવિધા પૂરી પાડતા ઓપ્ટિકલ ફાઇબર નેટવર્ક સાથે જોડવામાં આવશે. આ સાથે, સરકાર ટૂંક સમયમાં નવી સાયબર સુરક્ષા નીતિ લાવશે. 74 માં સ્વાતંત્ર્ય દિન નિમિત્તે ઓતિહાસિક લાલ કિલ્લા પરથી રાષ્ટ્રને સંબોધન કરતા મોદીએ કહ્યું કે, નવા ભારતના નિર્માણ તરફ લેવામાં આવતા પગલાઓનો ઉલ્લેખ કરતી વખતે, ઓપ્ટિકલ ફાઇબર, જેણે પાંચ વર્ષમાં 1.5 લાખ ગ્રામ પંચાયતોને ઝડપી ઇન્ટરનેટ સુવિધા પૂરી પાડી છે. આ સુવિધા સાથે જોડીને બીજા એક લાખ ગામો સુધી આ સુવિધા પોચાડવામાં આવશે.

તેમણે કહ્યું કે છ લાખ ગામોમાં ઓપ્ટિકલ ફાઇબર નાખવાનું કામ આગામી 1,000 દિવસમાં પૂર્ણ થઈ જશે. પ્રધાનમંત્રીએ કહ્યું કે આની સાથે સાયબર સુરક્ષાને લઈને પણ આપણે જાગ્રત રહેવું પડશે. અમે નવી સાયબર સિક્યુરિટી પોલિસી લાવીશું. આ માટે રણનીતિ બનાવવાનું કામ ચાલી રહ્યું છે.

વડા પ્રધાને કોરોના વાયરસ રોગચાળાના પડકારોનો ઉલ્લેખ કરતાં કહ્યું કે દેશમાં રાષ્ટ્રીય ડિજિટલ આરોગ્ય મિશનની પણ શરૂઆત થઈ રહી છે. તેમણે કહ્યું કે દરેક ભારતીયને આરોગ્ય ઓળખ નંબર આપવામાં આવશે, જેમાં તેના સ્વાસ્થ્યને લગતી સંપૂર્ણ માહિતી હશે. ”તમે કયા ડોક્ટર પાસે સારવાર કરાવી, કઈ દવા લેવામાં આવી, તેમાં સંપૂર્ણ માહિતી શામેલ હશે. કૃષિ ક્ષેત્રમાં પણ મોટા પાયે ફેરફાર કરવામાં આવ્યા છે.

‘વન નેશન વન રેશનકાર્ડ’, ‘વન નેશન વન ટેક્સ’, ‘જન ધન ખાતા’ જેવી નવી ટેકનોલોજી મોટી ભૂમિકા ભજવે તે તમામ સુધારાઓ આજે દેશની તાકાત બની છે. ઇનસોલ્વન્સી અને ડેટ સોલવન્સી (આઇબીસી) જેવા સુધારાઓ એક પછી એક રજૂ કરવામાં આવ્યા.