November 28, 2024
Pushya Nakshatra 2023 Shopping Muhurat: જ્યોતિષમાં પુષ્ય નક્ષત્રને વિશેષ મહત્વ આપવામાં આવ્યું છે. જ્યોતિષીય ગણતરી મુજબ પુષ્ય નક્ષત્રના(Pushya Nakshatra 2023) સ્વામી શનિદેવ છે. આ વખતે દિવાળી પહેલા પુષ્ય નક્ષત્રનો દુર્લભ સંયોગ બની રહ્યો છે. આ વખતે આ ખાસ સંયોગ 4 અને 5 નવેમ્બરે બની રહ્યો છે. ખાસ વાત એ છે કે, આ દિવસે પુષ્ય નક્ષત્રની સાથે અન્ય ઘણા શુભ યોગો પણ બની રહ્યા છે. ત્યારે આવી સ્થિતિમાં દિવાળી પહેલા બનેલો પુષ્ય-નક્ષત્ર યોગ સોનું-ચાંદી, જમીન, મકાન અને મિલકતની ખરીદી માટે શુભ છે. ચાલો જાણીએ પુષ્ય નક્ષત્રનો શુભ સમય અને તેનાથી સંબંધિત શનિદેવના ખાસ ઉપાય.
જ્યોતિષીય ગણતરી મુજબ, 4-5 નવેમ્બરના રોજ બની રહેલ પુષ્ય નક્ષત્રનો વિશેષ સંયોગ અન્ય ઘણા યોગો સાથે પણ જોડાયેલો છે. ખાસ વાત એ છે કે 4 નવેમ્બરે બુધાદિત્ય યોગ, પરાક્રમી યોગ અને સાધ્યયોગનો વિશેષ સમન્વય થઈ રહ્યો છે. જ્યારે 5 નવેમ્બર 2023ના રોજ સર્વાર્થસિદ્ધિ યોગનો વિશેષ સંયોગ પણ બની રહ્યો છે. આવી સ્થિતિમાં, આ શુભ અવસર પર, માતા મહાલક્ષ્મીની સાથે તમારા ઇષ્ટ દેવ અથવા ભગવતીની પૂજા કરવાથી ઘરમાં આશીર્વાદરૂપ સાબિત થાય છે. તેની સાથે જ માતા મહાલક્ષ્મીના વિશેષ આશીર્વાદ પ્રાપ્ત થાય છે.
પુષ્ય નક્ષત્ર ખરીદી માટે ખૂબ જ શુભ
પુષ્ય નક્ષત્ર(Pushya Nakshatra 2023) દરમિયાન ખરીદી કરવીએ ખૂબ જ શુભ માનવામાં છે. આ દિવસ તમારા અને તમારા પરિવાર માટે ખુશીઓ લઈને આવે છે. રવિવાર પછી તમે પુષ્ય નક્ષત્રમાં ખરીદી કરી શકો છો. જો પુષ્ય નક્ષત્ર અથવા યોગ શનિવારે આવે તો તેને શનિ પુષ્ય કહેવામાં આવે છે. જ્યારે પુષ્ય નક્ષત્ર રવિવારે આવે તો તેને રવિ પુષ્ય યોગ કહેવાય છે.
Trending News
શનિ પુષ્ય નક્ષત્ર ઉપાય(Pushya Nakshatra 2023)
શનિ પુષ્ય સંયોગના દિવસે જો તમે શનિના પ્રકોપથી પરેશાન છો અથવા જે લોકો શનિની ધૈયા, શનિની સાડાસતી અને શનિની મહાદશાથી પરેશાન છો તો આ દિવસે જો તમે શનિદેવની પૂજા કરો છો તો તમને શનિની પીડામાંથી મુક્તિ મળે છે. .
શનિદેવને સરસવના તેલથી અભિષેક કરો.
વાદળી ફૂલ ચઢાવો, શનિદેવને વાદળી ફૂલોથી શણગારો.
રોટલી પર સરસવનું તેલ લગાવીને કાળા કૂતરાને ખવડાવો.
આ નક્ષત્રમાં દૂધનું દાન કરવાથી વ્યક્તિ શાશ્વત પુણ્યની પ્રાપ્તિ કરે છે. તમને અચાનક ક્યાંકથી પૈસા મળી શકે છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube