November 24, 2024
ભારતમાં કોરોનાના કહેર વચ્ચે આઈપીએલ 2022 (IPL 2022) નો રોમાંચ ચરમસીમાએ છે. ત્યારે આજરોજ એક દુઃખદ સમાચાર સામે આવ્યા છે. મુંબઈના ભૂતપૂર્વ ફાસ્ટ બોલર અને રણજી ટ્રોફી(Ranji Trophy) વિજેતા ટીમના ભાગ બનેલા રાજેશ વર્મા(Rajesh Verma) નું રવિવારે અવસાન થયું. રાજેશ વર્મા 2006-07 રણજી ટ્રોફી ટાઈટલ જીતનાર ટીમના સભ્ય હતા. રાજેશ વર્માનું રવિવારે હાર્ટ એટેકના કારણે નિધન થયું હતું. તેમણે 40 વર્ષની વયે અંતિમ શ્વાસ લીધા. રાજેશે પોતાની કારકિર્દીમાં સાત ફર્સ્ટ ક્લાસ મેચ રમી હતી.
40 વર્ષની વયે લીધા અંતિમ શ્વાસ
મુંબઈના તેમના ભૂતપૂર્વ સાથી, ભાવિન ઠક્કરે તેમના મૃત્યુની માહિતી આપી છે. તેણે પોતાની કારકિર્દીમાં માત્ર સાત ફર્સ્ટ ક્લાસ મેચ રમી હતી. જમણા હાથના મધ્યમ ઝડપી બોલર રાજેશ વર્માએ 2002-03માં પ્રથમ શ્રેણીમાં પ્રવેશ કર્યો હતો. તેણે 11 લિસ્ટ A મેચોમાં 20 વિકેટ લેવા ઉપરાંત સાત ફર્સ્ટ-ક્લાસ મેચોમાં 23 વિકેટ લીધી હતી. તે 2006-07માં રણજી ટ્રોફી જીતનારી મુંબઈની ટીમનો મહત્વનો ભાગ હતો. તેણે તેની છેલ્લી મેચ પંજાબ સામે 2008માં બ્રેબોર્ન સ્ટેડિયમમાં (Brabourne Stadium) રમી હતી.
Trending News
ભાવિન ઠક્કરે એક અંગ્રેજી અખબારને કહ્યું, ‘હું સંપૂર્ણ રીતે ચોંકી ગયો છું. અમે અમારા અંડર-19 દિવસોથી અમારી ક્રિકેટ સફર એક સાથે વિતાવી છે. વડાલાથી મેદાન સુધી અમે સાથે જ જતા. 20 દિવસ પહેલા તે મારી સાથે BPCL માટે ટૂર પર હતો. ગઈકાલે સાંજે તેની સાથે 30 મિનિટ વાત કરી અને આજે સવારે 4 વાગ્યે મને ફોન આવ્યો કે તે નીકળી ગયો છે.
ઠક્કરે વધુમાં કહ્યું, ‘તે એક અદ્ભુત વ્યક્તિ અને મારા ખૂબ જ નજીકના મિત્ર હતા. તે ખૂબ જ પ્રતિભાશાળી ઝડપી બોલર હતો. આજના યુગમાં તે IPLમાં સારો દેખાવ કરી રહ્યો હોત. તેઓએ આનાથી વધુ હાંસલ કરવું જોઈએ. તે પોતાની મરજીથી યોર્કર ફેંકતો હતો અને તેનું યોર્કર પરફેક્ટ હતું.
એમસીએ એ આપી શ્રદ્ધાંજલિ
રાજેશ વર્માના નિધન બાદ ક્રિકેટ જગતમાં શોકની લહેર ફેલાઈ ગઈ છે. મુંબઈ ક્રિકેટ એસોસિએશને(Mumbai Cricket Association) પણ તેના સત્તાવાર ટ્વિટર હેન્ડલ દ્વારા તેમને શ્રદ્ધાંજલિ આપી હતી અને તેમના મૃત્યુની માહિતી આપી હતી.
The Mumbai Cricket Association expresses profound grief on hearing about the sad demise of Mr. Rajesh Verma who passed away today on 24 April 2022.
On behalf of the Apex Council members of MCA, all the member clubs and also the entire cricketing fraternity, we condole his demise pic.twitter.com/V2eMt2uBzi
— Mumbai Cricket Association (MCA) (@MumbaiCricAssoc) April 24, 2022
રાજેશે લીધી હતી 48 વિકેટ
રાજેશ વર્મા સાત ફર્સ્ટ ક્લાસ મેચ રમ્યા હતા. તે 2006-07માં મુંબઈની રણજી ટ્રોફી વિજેતા ટીમનો પણ સભ્ય હતો. વર્માએ 2002/03ની સિઝનમાં ફર્સ્ટ-ક્લાસ ડેબ્યૂ કર્યું હતું અને 2008માં બ્રેબોર્ન સ્ટેડિયમ ખાતે પંજાબ સામે તેની છેલ્લી ફર્સ્ટ-ક્લાસ મેચ રમી હતી.
રાજેશ વર્મા સાત ફર્સ્ટ ક્લાસ મેચમાં 23 વિકેટ લેવામાં સફળ રહ્યો હતો. આ દરમિયાન, એક ઇનિંગ્સમાં તેનો શ્રેષ્ઠ બોલિંગ ફિગર 97 રનમાં 5 વિકેટ લેવાનો હતો. રાજેશ વર્માએ પણ અગિયાર લિસ્ટ-એ મેચ રમી હતી જેમાં તેણે કુલ 20 વિકેટ લીધી હતી. આ સિવાય રાજેશે 4 T20 મેચમાં 5 વિકેટ લીધી હતી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.