એવું તો શું દુઃખ આવી પડ્યું કે, કોમળ ફૂલ જેવી બે દીકરીઓને નોધારી મુકીને પિતાએ ગળેફાંસો ખાઈ ટૂંકાવી લીધુ જીવન

ગુજરાત: રંગીલા રાજકોટ (Rajkot) માંથી હાલમાં જ વધુ એક આપઘાત ( Suicide) નો બનાવ સામે આવી રહ્યો છે ત્યારે આપને જણાવી દઈએ કે, રાજ્ય (Gujarat) માં આવી ઘટનાઓમાં ઉત્તરોત્તર સતત વધારો થતો જઈ રહ્યો છે જેને કારણે કેટ-કેટલાય પરિવાર નિરાધાર બની રહ્યા છે. આ ઘટનામાં ફક્ત 5 માસની દીકરીને રમાડતા-રમાડતા પિતાએ આપઘાત કરી લીધો છે.

રાજકોટ મહાનગર પાલિકાના કર્મચારીએ ગળેફાંસો ખાઇ પોતાનું જીવન ટુંકાવી લીધું હોવાનું સામે આવી રહ્યું છે ત્યારે સમગ્ર મામલે પોલીસ દ્વારા ગુનો નોંધીને આગળની તપાસ હાથ ધરવામાં આવી છે. જો કે, સૌથી વધારે કરૂણ બાબત તો એ છે કે, મૃતક 5 બહેનોનો એકનો એક ભાઈ હતો તેમજ ટ્વીન્સ દીકરીઓનો પિતા હતો.

શહેરના નવા થોરાળા વિસ્તારનાં વણકરવાસમાં રહેતા સુરેશભાઈ ખીમસુરીયા નામના યુવાને પોતાના ઘરે ગળાફાંસો ખાઇને આપઘાત કરી લીધો છે. પોલીસના જણાવ્યા પ્રમાણે વણકર વાસમાં રહેતા સુરેશભાઇ રામાભાઇ ખીમસુરીયા નામના યુવાનના ઘરે મહેમાન આવ્યા હતા.

બાદમાં આ યુવાન બપોરના સમયે બધા લોકો સાથે જમ્યો પણ હતો તથા પોતાની 5 મહિનાની દિકરીને ઘરના ઉપરના માળે રમાડવા લઈ જઉં છું એમ કહીને બાદમાં ગળાફાંસો ખાઇ લીધો હતો. આ હચમચાવી દેતી ઘટના અંગે પાડોશીએ બારીમાંથી બાળકીને રડતી જોઈ તેમજ યુવાનને લટકતી હાલતમાં પણ જોયો હતો.