November 24, 2024
રક્ષાબંધનના શુભ પર્વને હવે થોડા જ દિવસો બાકી છે. આ વખતે આ તહેવાર 22 ઓગસ્ટના રોજ ઉજવવામાં આવશે. રક્ષાબંધન પર 474 વર્ષ પછી એક ખાસ મહાન સંયોગ પણ બનવા જઈ રહ્યો છે.
જ્યોતિષીઓ અનુસાર, રક્ષાબંધનનો તહેવાર સામાન્ય રીતે શ્રાવણ નક્ષત્રમાં ઉજવવામાં આવે છે. જોકે, આ વખતે તે શ્રાવણ પૂર્ણિમા પર ધનિષ્ઠ નક્ષત્ર સાથે ઉજવવામાં આવશે. જ્યોતિષીઓના મતે આ વખતે રાખડી પર ભદ્રાની છાયા નહીં હોય, જેના કારણે બહેનો આખા દિવસ દરમિયાન પોતાના ભાઈને રાખડી બાંધી શકશે. આ દરમિયાન કુંભ રાશિમાં બૃહસ્પતિની ગતિ ફરી રહેશે અને તેની સાથે ચંદ્ર પણ ત્યાં હાજર રહેશે.
આ વખતે રક્ષાબંધનએ સવારે 5.50 થી સાંજે 6.03 સુધીનો શુભ સમય છે, એટલે કે આ સમય દરમિયાન તમે કોઈપણ સમયે રાખડી બાંધી અથવા બંધાવી શકો છો. જ્યારે ભદ્રા કાલ 23 ઓગસ્ટના રોજ સવારે 5:34 થી 6.12 સુધી ચાલશે. આ દિવસે શોભન યોગ સવારે 10.34 સુધી રહેશે અને ધનિષ્ઠ નક્ષત્ર સાંજે 7.40 સુધી રહેશે. એવું કહેવાય છે કે ધનિષ્ઠા નક્ષત્રમાં જન્મેલા લોકો તેમના ભાઈ અને બહેન સાથે ખૂબ જ ખાસ સંબંધ ધરાવે છે.
Trending News
જ્યોતિષશાસ્ત્ર અનુસાર, આ વખતે રક્ષાબંધન પર સૂર્ય, મંગળ અને બુધ સિંહ રાશિમાં સાથે બેસશે. સૂર્ય સિંહ રાશિનો સ્વામી છે. મિત્ર મંગળ પણ આ રાશિમાં તેની સાથે રહેશે. જ્યારે શુક્ર કન્યા રાશિમાં રહેશે. ગ્રહોના આવા યોગ ખૂબ જ શુભ અને ફળદાયી બનવાના છે. જ્યોતિષીઓનું કહેવું છે કે, રક્ષાબંધન 2021 પર 474 વર્ષ પછી ગ્રહોનું આવું દુર્લભ સંયોજન થઈ રહ્યું છે. અગાઉ 11 ઓગસ્ટ, 1547 ના રોજ, ગ્રહોની આવી સ્થિતિ બની હતી.
જ્યોતિષીઓનું કહેવું છે કે, આ વર્ષે શુક્ર બુધના માલિકીની રાશિ કન્યામાં સ્થિત થશે. રક્ષાબંધન પર આવો સંયોગ ભાઈ અને બહેન માટે અત્યંત લાભદાયક અને કલ્યાણકારી રહેશે. રાજયોગને ખરીદી માટે પણ ખૂબ જ શુભ માનવામાં આવે છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.