માનવતા શર્મસાર: પિતાના હાથપગ બાંધી નરાધમે પિતાની નજર સામે પત્ની અને 11 વર્ષીય દીકરી સાથે આચર્યું દુષ્કર્મ

ભારતમાં બળત્કારના કેસોમાં સતત વધારો થઇ રહ્યો છે. ત્યારે ઉત્તર પ્રદેશમાંથી એક ચોકાવનાર બળત્કારનો કિસ્સો સામે આવ્યો છે. મુરાદાબાદ ખાતે એક માતા અને તેની સગીર દીકરી સાથે ગેંગરેપની ઘટના સામે આવી છે. બુલંદશહેરમાં 18 વર્ષની યુવતી સાથે દુષ્કર્મ થયું છે. તે સિવાય મુઝફ્ફરનગરના ગામમાં એક હેવાને 15 વર્ષની સગીરાને અપહરણ બાદ બળાત્કારનો ભોગ બનાવી હતી. આમ ઉતરપ્રદેશમાંથી બળત્કારની ઘટનાઓ વધારે નજરે ચડે છે.

મુરાદાબાદના કોતવાલી વિસ્તારના રહેવાસીને પોતાની આંખ સામે પત્ની અને સગીર દીકરી સાથે અજાણ્યા વક્તિઓએ ગેંગ રેપ કર્યો હતો. 3 ગુંડાએ એક મહિલા અને તેની 11 વર્ષની સગીર દીકરી સાથે સામૂહિક દુષ્કર્મ આચર્યો હતો. મળતી માહિતી અનુસાર, બદમાશોએ ગન બતાવીને મહિલાના પતિના હાથ-પગ બાંધી દીધા હતા અને તેની આંખ સામે જ તેની પત્ની અને દીકરી પર બળાત્કાર ગુજાર્યો હતો. આ સાથે જ જો તેઓ ફરિયાદ કરશો તો જાનથી મારી નાખશું તેવી ધમકી આપી હતી.

પીડિત પરિવારે આ ઘટના અંગે બિલારી પોલીસમાં ફરિયાદ કરી હતી જેની ત્યાં અવગણના કરવામાં આવી હતી. આખરે પોલીસના ટોચના અધિકારીઓની મદદ માંગતા આરોપીઓ વિરૂદ્ધ કેસ દાખલ કર્યો હતો. પોલીસે એક આરોપીની ધરપકડ કરી લીધી છે અને પીડિત પરિવાર આરોપીના ડરથી ખૂબ જ ભયભીત છે.

અગાઉ બુલંદશહેરના ખુરજા નગર થાણા ક્ષેત્રમાં 18 વર્ષની યુવતી રાતના સમયે ઘરેથી બિસ્કિટ લેવા નીકળી તે સમયે એક યુવકે તેને ખેંચીને સૂમસામ જગ્યાએ લઈ ગયો હતો. બાદમાં યુવકે યુવતી પર દુષ્કર્મ આચર્યો હતો અને તે સમયે તેના 2 મિત્રોએ ચોકીદારી કરી રહ્યા હતા. યુવતીની ફરિયાદના આધારે પોલીસે 3 આરોપીઓની ધરપકડ કરવામાં આવી હતી.