November 24, 2024
આજકાલ સોશિયલ મીડિયા (Social media) પર 15મી ઓગસ્ટ કે 26 જાન્યુઆરી આવતા જ એક બોમ્બનો ફોટો વાયરલ થવા લાગે છે. આ કોઈ એર બોમ્બ નથી પરંતુ આ કેટલાક ભારતીય સૈનિકોની કારસ્તાનનો નમૂનો છે. કારણ કે આ બોમ્બ પર રવિના ટંડન (Raveena Tandon) નું નામ લખેલું છે.
જાણવા મળ્યું છે કે, પાકિસ્તાની સેના કારગિલ યુદ્ધ દરમિયાન ભારતીય સેનાને મજાક ઉડાવતી હતી. પાકિસ્તાની સેના ભારતીય સેનાને કહેતા હતા કે ‘માધુરી દીક્ષિત અમને આપો, કાશ્મીર લઇ લો.’ ત્યારબાદ આવા જ એક સમયે પાકિસ્તાનના તત્કાલિન વડાપ્રધાન નવાઝ શરીફે ભારતની મુલાકાતે આવેલા. ત્યારે તેણે રવિના ટંડનને પોતાની પ્રિય અભિનેત્રી ગણાવી હતી.
જયારે પાકિસ્તાન ભારતની મજા માણી રહ્યું હતું ત્યારે ભારતીય સૈનિક કેવી રીતે પાછળ રહી શકે? ત્યારે કેટલાક ભારતીય સૈનિકોએ મળીને પાકિસ્તાની પીએમને બોમ્બ ભેટમાં આપવાનો પ્લાન બનાવ્યો હતો. આ ગ્રીન બોમ્બ પર લખ્યું હતું- ‘રવિના ટંડનથી નવાઝ શરીફ સુધી’ અને આ લખાણની ટોચ પર, ચોકથી સફેદ હૃદય બનાવવામાં આવ્યું હતું અને એક તીરથી હૃદયને વીંધ્યું હતું. આ બોમ્બ પાકિસ્તાની પીએમ સુધી પહોંચ્યો કે નહીં તેની કોઈ માહિતી નથી. પરંતુ વર્ષમાં બે વાર તેના વિશે ચોક્કસપણે ચર્ચાઓ થાય છે. હવે આ મામલે અભિનેત્રી રવિના ટંડને પણ વાત કરી છે.
Trending News
મળતી માહિતી અનુસાર રવિનાએ કહ્યું-મેં ઘણા સમય પછી આ બધી વસ્તુ જોઈ. જો કે, મારી સલાહ છે કે જે મુદ્દાઓ પ્રેમ અને વાતચીત દ્વારા ઉકેલી શકાય છે, તે જ રીતે ઉકેલો. અહીંયા અને ત્યાં પણ લોહીનો રંગ લાલ છે. જો કોઈ માતા તેના પુત્ર કે પુત્રીને ગુમાવે છે, તો કોઈએ તેના પર ગર્વ ન કરવો જોઈએ.”
રવિના ટંડને જે પણ કહ્યું તે સાચું છે. તેના શબ્દો પરથી સ્પષ્ટ થાય છે કે તે એવું કંઈપણ કહેવા માંગતી નથી જેનાથી ગેરસમજ થાય. તેમની પ્રતિક્રિયા પણ યોગ્ય છે કારણ કે ભારત ગુનાલક્ષી દેશ છે. રવીનાના આ નિવેદને સમગ્ર વાતાવરણમાં ખળભળાટ મચાવી દીધો હતો.
રવિના ટંડન તાજેતરમાં ‘આરણ્યક’ નામની વેબ સિરીઝમાં જોવા મળી હતી. તેણે આ Netflix સિરીઝ સાથે ડિજિટલ ડેબ્યૂ કર્યું. મળતી માહિતી અનુસાર આગામી દિવસોમાં તે યશની ફિલ્મ KGF 2માં જોવા મળવાની છે. જાણવા મળ્યું છે કે રવિના આ ફિલ્મમાં ઈન્દિરા ગાંધીથી પ્રેરિત પાત્ર ભજવી રહી છે. પરંતુ રવિનાએ પોતે આ અહેવાલોને નકારી દીધા હતા. તેણે કહ્યું કે તે રમિકા દેવી નામનું પાત્ર ભજવી રહી છે. જે કોઈપણ એન્ગલથી ઈન્દિરા ગાંધીથી પ્રેરિત નથી. સત્ય શું છે, તે તો ફિલ્મ રિલીઝ થયા બાદ જ ખબર પડશે. સિનેમાઘરોમાં ‘KGF 2’ 14 એપ્રિલે રીલીસ થશે તેવું જાણવા મળ્યું છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.