October 22, 2024
ભોપાલ પોલીસે તેના જ ડીપાર્ટમેન્ટના એક પોલીસ અધિકારીની પત્ની વિરુદ્ધ કેસ નોંધ્યો છે. તેના પર કોન્ટ્રાક્ટરનો અશ્લીલ વીડિયો બનાવીને 1 કરોડ રૂપિયાની માંગ કરવાનો આરોપ છે. પૈસા ન આપવા બદલ તે તેને દુષ્કર્મના ખોટા કેસમાં ફસાવી દેવાની ધમકી પણ આપી હતી.
પીડિત કોન્ટ્રાક્ટર પોતાને પૂર્વ મંત્રી કરણ સિંહનો સંબંધી ગણાવી રહ્યો છે. પોલીસ અધિકારીની પત્નીએ તેને મિત્રની મદદથી પાર્ટીના બહાને બોલાવ્યો હતો. જ્યાં તેના 2 નકાબધારી સાથીઓએ કોન્ટ્રાક્ટરને માર માર્યો હતો. ત્યારપછી તેના મોબાઈલમાંથી ઓનલાઈન પેમેન્ટ એપ દ્વારા તેના ખાતામાં રૂ. 1.09 લાખ ટ્રાન્સફર કરી નાખ્યા હતા. મહિલા કોન્ટ્રાક્ટર સામે દુષ્કર્મનો કેસ નોંધવા માટે પોલીસ પર દબાણ કરતી રહી, પરંતુ પોલીસ તેની હરકતોથી વાકેફ હતા.
પોલીસના જણાવ્યા અનુસાર, મુકેશ વર્મા (46) કોન્ટ્રાક્ટર છે. તે પોતાને ભાજપ સરકારમાં ભૂતપૂર્વ મંત્રી અને વર્તમાન ધારાસભ્ય કરણ સિંહ વર્માના સંબંધી ગણાવે છે. મુકેશે પોલીસને જણાવ્યું કે તેની ઓળખાણ સોનાલી દાતાર સાથે થઈ હતી. સોનાલી ઘણા મોટા મોટા પોલીસ અધિકારીઓ સાથે સંકળાયેલી છે.
Trending News
16 નવેમ્બરના રોજ સોનાલીએ તેને જન્મદિવસની પાર્ટીના બહાને ન્યૂ માર્કેટ બોલાવ્યો હતો. સોનાલી ન્યુ માર્કેટમાં તેની મિત્ર આરતી ઠાકુર સાથે હતી. અમે ત્રણેયએ આકૃતિ એક્ઝોટીકા, ખજુરી રોડમાં રૂ. 2500માં ઘર બુક કરાવ્યું હતું. બપોરે, અમે ત્રણેએ દારૂની મહેફિલ શરૂ કરી.
પોલીસના જણાવ્યા અનુસાર આ દરમિયાન મુકેશને ખૂબ જ દારૂ પીવડાવવામાં આવ્યો હતો. પીધેલી હાલતમાં સોનાલીએ તેના અન્ય બે સાથીદારોને બોલાવી મુકેશને બંધક બનાવી લીધો હતો. જ્યારે મુકેશ સાંજે 7 વાગે દારૂના નશામાં ધૂત થઈ ગયો ત્યારે બંને (મુખવટો પહેરેલા) લોકોએ તેને મારવાનું શરૂ કર્યું.
આ પછી સોનાલીએ કહ્યું કે 1 કરોડ રૂપિયા આપ, અમે તારો અશ્લીલ વીડિયો બનાવી લીધો છે. જો પૈસા નહીં આપે તો વીડિયો વાયરલ થશે. હું તારી સામે દુષ્કર્મનો કેસ પણ દાખલ કરીશ. સોનાલીએ કોન્ટ્રાક્ટર પાસેથી મોબાઈલ છીનવી લીધો. પાસવર્ડ માંગીને, ફોન-પે દ્વારા ત્રણ વખતમાં લગભગ 1 લાખ 9 હજાર રૂપિયા તેના ખાતામાં ઓનલાઈન ટ્રાન્સફર કરી લીધા હતા. બાકીના પૈસા આપી દેવાની ધમકી આપી ત્રણેય સાથીદારો સાથે કોન્ટ્રાક્ટરને છોડી સ્કોર્પિયોમાં બેસીને નીકળી ગયા હતા.
મુકેશે પોલીસને ડાયલ-100 પર ફોન કર્યો. પોલીસ સાથે હોસ્પિટલ પહોંચ્યા. સારવાર કરાવ્યા બાદ મુકેશે સમગ્ર ઘટના પોલીસને જણાવી હતી. સોનાલીએ બીજા દિવસે ફરી ફોન કરી પૈસાની માંગણી કરી. ગુરુવારે સવારે ફરી સોનાલીએ મુકેશને ફોન કરીને પૈસાની માંગણી કરી હતી. સોનાલીએ પણ દુષ્કર્મનો કેસ દાખલ કરવાનો પ્રયાસ કર્યો, પરંતુ તે સફળ થઈ શકી નહીં.
સોનાલીએ પોલીસ અધિકારી સાથે લગ્ન કર્યા હતા. સોનાલીની હરકતોથી પોલીસ અધિકારી પતિ કોર્ટના નિર્ણય પર અલગ રહેવા લાગ્યો હતો. પોલીસ વિભાગના વરિષ્ઠ અધિકારીઓની નજીક બનીને તેણીએ તેના પતિ વિરુદ્ધ ઘણા કેસ નોંધ્યા, અને તેના જ પતિને સસ્પેન્ડ કરાવી દીધો. સોનાલી ભૂતકાળમાં પણ અનેક વિવાદોમાં રહી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.