November 03, 2024
Sake Bharti PhD in Andhra Pradesh: રોજિંદા ખેત-મજૂર પાસેથી રસાયણશાસ્ત્રમાં PhD ડિગ્રી. આ વાર્તા 35 વર્ષની ભારતીની છે. આંધ્ર પ્રદેશના અનંતપુર જિલ્લાની રહેવાસી સાકે ભારતી અત્યંત ગરીબીમાં જીવે છે. તેમના ગામનું નામ નાગુલગુદ્દેમ છે, જે સિંગણમાલા મંડળમાં આવે છે. PhD સુધી ભણ્યા હોવા છતાં પરિવારની હાલત એવી છે કે, ખેતી ઉપરાંત મજુરીકામ પણ કરવું પડે છે.(Sake Bharti PhD in Andhra Pradesh) સાકે ભારતીના પરિવારની આર્થિક સ્થિતિ ખરાબ છે. બે ટાઈમનું ભોજન મળવું મુશ્કેલ છે. એક તરફ તેનું વેતન ચાલતું રહ્યું અને બીજી તરફ તેણે અભ્યાસ પણ ચાલુ રાખ્યો. પરિણામે, 17 જુલાઈના રોજ, આંધ્ર પ્રદેશના રાજ્યપાલ એસ. અબ્દુલ નઝીર પાસેથી PhDની ડિગ્રી મેળવી.
જે કોમ્યુનિટીમાં ભારતીનો જન્મ થયો હતો ત્યાં કદાચ લોકોને એ પણ ખબર નથી કે PhDડિગ્રી શું છે. ભારતી તેના પરિવારમાં સૌથી મોટી પુત્રી છે. તેને બે બહેનો છે. તેના લગ્ન 12મા ધોરણ પછી જ તેના મામા સાથે થયા હતા. ટૂંક સમયમાં જ તે એક બાળકીની માતા બની, જે હવે 11 વર્ષની છે… જીવન મુશ્કેલ હતું, પરંતુ ભારતી મક્કમ હતી.
લગ્ન પછી પણ ભારતીનો અભ્યાસ પ્રત્યેનો લગાવ ઓછો થયો ન હતો. તેનો પતિ આ સમજી ગયો અને તેણે તેની પત્નીને ઘણો સાથ આપ્યો. તે એક દિવસ કોલેજ ગઈ અને બીજા દિવસે કામ પર ગઈ. જ્યારે તે ઇન્ટરમીડિયેટ (MPC)માં હતી, ત્યારે તેનું દૈનિક વેતન 25 રૂપિયા હતું અને ડિગ્રી (BSC)માં ગયા પછી દૈનિક વેતન 50 રૂપિયા થઈ ગયું હતું. ભારતી કહે છે, “મેં મારા મામા સાથે લગ્ન કર્યા. તેમણે મને ખૂબ પ્રોત્સાહિત કર્યા. તેઓ કહેતા કે ગરીબીમાંથી બહાર આવવા માટે દરેક છોકરીએ ઊંચાઈ સુધી પહોંચવા માટે અભ્યાસ કરવો જોઈએ.”
Trending News
ભારતીએ SSBN ડિગ્રી કોલેજ અનંતપુરમાંથી BSC કર્યું છે. અંતમપુરમાંથી એમએસસી પણ કર્યું. ગામથી કોલેજ સુધી વાહનની સુવિધા ન હતી. તેથી જ તે કોલેજ જવા માટે દરરોજ આઠ કિલોમીટર ચાલીને જતી હતી. તે ભણતી હતી, ખેતરોમાં કામ કરતી હતી. તે ઘરકામ કરતી અને દીકરીનું ધ્યાન પણ રાખતી. આ બધી મુશ્કેલીઓ વચ્ચે ભારતીએ સારા માર્ક્સ સાથે તેની ડિગ્રી અને પીજી પૂર્ણ કર્યું છે.
દરમિયાન, ભારતીના પતિ શિવપ્રસાદ કહે છે, “અભ્યાસમાં ઘણા વર્ષો લાગ્યા. અંતિમ પરિણામ નોકરીનું હોવું જોઈએ. પરંતુ તે આપણા હાથમાં નથી. જો તે આવશે તો અમારા સપના સાકાર થશે.”
ભારતીના પ્રોફેસર ડો.એમ.સી.એસ. શુભા સાથે ‘બાઈનરી મિક્સચર’ પર સંશોધન કરવાની તક મળી. આ માટે મળેલા સ્ટાઈપેન્ડે ભારતીને અમુક અંશે મદદ કરી. જો કે, તેણે કામ કરવાનું બંધ કર્યું નહીં. ભારતીને હવે એ જ કોલેજમાં પ્રોફેસર તરીકે નોકરી મળવાની આશા છે જ્યાંથી તેણે PhD કર્યું છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube