November 18, 2024
આપઘાતનો ચોંકાવનારો કિસ્સો સામે આવ્યો છે. જ્યાં 12મા ધોરણની એક યુવતીએ ગળેફાંસો ખાઈને આપઘાત કરી લીધો છે. મૃત્યુ પહેલા વિદ્યાર્થીએ ફાંસી લગાવીને સેલ્ફી લીધી અને તેના પ્રેમીને મોકલી દીધી. ઘટનાની માહિતી મળતાની સાથે જ પોલીસ ઘટનાસ્થળે પહોંચી ગઈ હતી અને મૃતદેહનો કબજો લઈને તેને પોસ્ટમોર્ટમ માટે કાલના સબ-ડિવિઝનલ હોસ્પિટલમાં મોકલી આપ્યો હતો. હવે પોલીસ આ મામલે તપાસ કરી રહી છે.
આ ઘટના પૂર્વ બર્ધમાન જિલ્લાના કાલનાના કુમાર પારા વિસ્તારની છે. મૃતક વિદ્યાર્થીના સંબંધીઓનું કહેવું છે કે તેમની પુત્રીને મુંબઈના એક યુવક સાથે પ્રેમ સંબંધ હતો. બંને મોબાઈલ દ્વારા સોશિયલ મીડિયા પર વાતો કરતા હતા. મંગળવારે તેમની પુત્રીનો ફોન સતત વ્યસ્ત આવતો હતો. જેના પર તેનો પ્રેમી ગુસ્સે થઈ ગયો અને તેણે સંબંધ તોડી નાખવાની ધમકી આપી.
આ બાબતે બંને વચ્ચે ઝઘડો થયો હતો. ત્યારબાદ વિદ્યાર્થીનીને ડર લાગવા લાગ્યો કે કદાચ તેનો પ્રેમી સંબંધ તોડી નાખશે. તેનાથી પરેશાન થઈને વિદ્યાર્થિનીએ ગળામાં ફાંસો નાખી સેલ્ફી લીધી અને પ્રેમીને મોકલીને આપઘાત કરી લીધો.
Trending News
પરિવારનું કહેવું છે કે આ પ્રેમ સંપૂર્ણપણે ડિજિટલ હતો. બંનેની મુલાકાત સોશિયલ મીડિયા દ્વારા થઈ હતી. ત્યારબાદ તેઓ ફોન પર વાત કરવા લાગ્યા. પોલીસે આપઘાતનો ગુનો નોંધી તપાસ શરૂ કરી છે. વિદ્યાર્થીના પ્રેમીની પૂછપરછ કરવા માટે પોલીસની એક ટીમ મુંબઈ જવા રવાના થઈ છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.