પીએમ મોદી પછી બીજા નંબરે લોકપ્રિય ભારતીય વ્યક્તિના નામ ઉપર આવે છે આ વ્યક્તિ, જાણો કોણ છે તે…

ભૂતપૂર્વ ભારતીય કેપ્ટન અને અનુભવી વિકેટકીપર બેટ્સમેન મહેન્દ્ર સિંહ ધોની ને કેપ્ટન વિરાટ કોહલી અને ક્રિકેટમાં ભગવાન તરીકે ઓળખાય એવા સચિન તેંડુલકરને પણ છોડીને ભારતના સૌથી લોકપ્રિય લોકોમાં બીજું સ્થાન મેળવ્યું છે. યૂગોવ દ્વારા કરાયેલા એક સર્વે અનુસાર વડા પ્રધાન નરેન્દ્ર મોદી સૌથી વધુ પ્રિય ભારતીયોમાં ટોચ પર છે અને ત્યારબાદ બે વખતના વિશ્વ ચેમ્પિયન કેપ્ટન ધોની છે.

આ સર્વેમાં 41 દેશોના આશરે 42000 લોકોને આવરી લેવામાં આવ્યા હતા, જેમાં દેશ અને વિશ્વના સૌથી લોકપ્રિય પુરુષો અને મહિલાઓને અલગથી પસંદ કરવામાં આવ્યા હતા. જ્યારે વડા પ્રધાન મોદી દેશમાં સૌથી વધુ ચર્ચામાં આવે છે, જ્યારે છ વખતના વિશ્વ ચેમ્પિયન બોક્સર એમસી મેરી કોમને દેશની સૌથી પ્રશંસનીય મહિલા માનવામાં આવે છે.