લીંબુ શિકંજી પસંદ ન આવતા, શિકંજીવાળાને જ મોતને ઘાટ ઉતારી દીધો- જાણો ક્યાં બની આ ઘટના

ગાઝિયાબાદ(Ghaziabad) જિલ્લાના હિંડોન રિવર મેટ્રો સ્ટેશન(Hindon River Metro Station) પાસે લારી પર શિકંજી વેચનાર ગૌરવ કશ્યપ (28)ની ત્રણ શખ્સોએ હત્યા કરી હતી. આરોપ છે કે શિકંજી(Shikanji) પીધા બાદ આ લોકોએ સ્વાદ સારો ન હોવાના બહાને પૈસા આપવાની ના પાડી દીધી હતી. જ્યારે ગૌરવે તેના પર પૈસા માટે દબાણ કર્યું, ત્યારે તેણે તેને એટલી નિર્દયતાથી માર્યો કે તે ગંભીર હાલતમાં પહોંચી ગયો. હોસ્પિટલમાં સારવાર દરમિયાન તેનું મોત નીપજ્યું હતું.

પોલીસે મુખ્ય આરોપી ઈ-રિક્ષા ચાલક બોબીની ધરપકડ કરી છે, જેણે હત્યાનો કેસ નોંધ્યો છે. આ લોકો 27 એપ્રિલની રાત્રે આઠ વાગ્યાની આસપાસ અરથળાના રહેવાસી ગૌરવ પાસે પહોંચ્યા હતા. ત્રણે લોકોએ શિકંજીનો ઓર્ડર આપ્યો હતો. એક ગ્લાસ શિકંજીનો દર 20 રૂપિયા હતો એટલે ત્રણેયને 60 રૂપિયા આપવા પડ્યા. સિહાની ગેટના રહેવાસી મુખ્ય આરોપી ઈ-રિક્ષા ચાલક બોબીની પૂછપરછને ટાંકીને પોલીસે જણાવ્યું કે, શિકંજી પીધા બાદ પૈસા આપવાને બદલે ત્રણેય જણાએ કહ્યું કે, તેઓએ ખૂબ ખરાબ શિકંજી બનાવ્યું છે, જેથી તેઓ એક પણ રૂપિયો આપશે નહી.

ગૌરવે કહ્યું કે જો કોઈ ખામી હોય તો તેણે શિકંજીનો પહેલો ઘુટડો પીતાની સાથે જ ફરિયાદ કરવાની હતી. સવારથી બીજા કોઈએ તો ફરિયાદ કરી નથી, બહાના બનાવશો નહીં, પૈસા આપો. આના પર તેઓ ગૌરવ સાથે તેઓની દલીલ થઇ ગઈ. આરોપ છે કે ત્રણેય ભાન ભૂલી ગયા હતા અને ગૌરવને બેરહેમીથી માર્યો હતો.

જમીન પર માથું પટકાઈ જવાને કારણે ગંભીર ઈજાઓ થઈ હતી. પરિસ્થિતિ વણસી જતાં ત્રણેય ભાગી ગયા હતા. ત્યાં સુધીમાં આસપાસના લોકો આવી પહોંચ્યા હતા. તેમાંથી ઘણા બોબીને ઓળખતા હતા. લોકોએ ગૌરવને હોસ્પિટલમાં દાખલ કર્યો. જ્યાં શુક્રવારે સવારે તેનું સારવાર દરમિયાન મોત નીપજ્યું હતું.