સ્મશાન સુધી રહ્યો દોસ્તીનો સાથ: બર્થડે પાર્ટી કરીને પરત ફરતા નડ્યો માર્ગ અકસ્માત- એકસાથે 6 મિત્રોની ઉઠી અર્થી 

6 people died in Delhi accident: ગુરુગ્રામ-ફરીદાબાદ(Gurugram-Faridabad) રોડ પર ગુરુવારે મોડી રાત્રે એક માર્ગ અકસ્માતમાં છ યુવકોના મોત થયા હતા. તમામ પલવલના કેમ્પ વિસ્તારના રહેવાસી હતા.(6 people died in Delhi accident) બધા ગુરુગ્રામથી બર્થડે પાર્ટી પછી લગભગ 1.30 વાગ્યે પાછા ફરી રહ્યા હતા ત્યારે ક્રશરથી ભરેલા ડમ્પરે યુવકની કારને ટક્કર મારી હતી.

આરોપી ચાલકને ટક્કર માર્યા બાદ પણ તે ડમ્પર રોકવાને બદલે ભાગતો રહ્યો હતો. તમામ યુવકો કારની સાથે ડમ્પરના આગળના બે વ્હીલ વચ્ચે ફસાઈ ગયા હતા. લગભગ 100 મીટર સુધી ઢસડાવાના કારણે કારના ફુરચા ઉડી ગયા હતા અને તમામ યુવકોના ઘટનાસ્થળે જ મોત(6 people died in Delhi accident) થયા હતા. માહિતી મળતાં જ માંગર ચોકી અને ધૌજ પોલીસ સ્ટેશન ઘટના સ્થળે પહોંચીને કારમાંથી મૃતદેહને બહાર કાઢ્યાહતા.

આરોપી ડમ્પર ચાલક સ્થળ પરથી નાસી ગયો હતો. પોલીસે ડમ્પર કબજે લીધું છે. મૃતકોની ઓળખ વિશાલ સેઠી (18), પુનીત (27), બલજીત (27), જતીન (26), સંદીપ (28) અને પલવલના જવાહર નગર કેમ્પના રહેવાસી આકાશ ઉર્ફે નોની (29) તરીકે કરવામાં આવી છે. બધા ગુરુગ્રામથી પલવલ જઈ રહ્યા હતા. બધા મિત્રો હતા અને જવાહર નગર કેમ્પમાં રહેતા હતા.

પોલીસ સ્ટેશનના ઈન્ચાર્જ ઈન્સપેક્ટર સતીશ ડાગરે જણાવ્યું કે, તેઓ માહિતી મળતા જ ઘટનાસ્થળે પહોંચ્યા હતા. કાર ખરાબ રીતે ક્ષતિગ્રસ્ત થઈ ગઈ હતી અને તમામ યુવકોના મૃતદેહ કારમાં ફસાઈ ગયા હતા. પોલીસે ગેસ કટર અને અન્ય સાધનો વડે કારને કાપીને તમામને બહાર કાઢ્યા હતા.