દિવ્યાંગ બાળકીની મદદે આવ્યા સોનુ સૂદ- કહ્યું દીકરીને લઈને મુંબઈ આવી જાવ ઓપરેશનનો બધો ખર્ચ હું ઉઠાવીશ

ફિલ્મ અભિનેતા સોનુ સૂદે(Sonu Sood) બિહાર(Bihar)ના નવાદા(Nawada)ની એક છોકરી ચાહુમુખી કુમારી(Chahumukhi Kumari)ને ચાર હાથ અને ચાર પગની સર્જરી માટે મુંબઈ બોલાવ્યા છે. આવતીકાલે યુવતી તેના માતા-પિતા અને પંચાયતના સરપંચ સાથે મુંબઈ જવા રવાના થશે. આ માહિતી આપતાં સરપંચ દિલીપ રાવતે કહ્યું કે, સોનુ સૂદ સતત મારા સંપર્કમાં છે અને શક્ય તમામ મદદની ખાતરી આપી રહ્યા છે.

ડૉક્ટરોએ સર્જરી કરવાની ના પાડી
સરપંચ દિલીપ રાવતે વધુમાં જણાવ્યું કે, સાનુ સૂદના કહેવા પર આઈજીઆઈએમએસ છોકરીને લઈને પટના ગયા, પરંતુ ત્યાંના ડોક્ટરે કહ્યું કે આ ગંભીર કેસ છે. આવી સ્થિતિમાં અહીં બાળકીની સર્જરી શક્ય નથી. જે બાદ મેં ફોન કરીને સોનુ સૂદને આખી વાત જણાવી. સોનુ સૂદે કહ્યું કે, છોકરી સાથે મુંબઈ આવી જાવ. અહીં બધું સારું થઈ જશે. જે બાદ આવતીકાલે તેઓ યુવતી સાથે મુંબઈ જવાના છે.

સોનુ સૂદે વીડિયો કોલ પર વાત કરી હતી:
સરપંચએ કહ્યું કે, સોનુ સૂદે વીડિયો કોલિંગ દ્વારા છોકરીના માતા-પિતા સાથે પણ વાત કરી છે અને વિકલાંગ છોકરીને પણ જોઈ છે. સોનુ સૂદને વીડિયો કોલ પર જોવા માટે ગ્રામજનો એકઠા થયા હતા. આ દરમિયાન ગ્રામજનો ખૂબ જ ઉત્સાહિત જોવા મળ્યા હતા. અહીંના ગ્રામીણો સોનુ સૂદને ભગવાન માની રહ્યા છે.

પરિવારમાં ચાર સભ્યો વિકલાંગ છે:
તમને જણાવી દઈએ ,કે આ પરિવારમાં કુલ 5 સભ્યો છે. જેમાં પીડિત છોકરી ચાહુમુખીની માતા ઉષા દેવી અને પિતા બસંત પાસવાન અને ભાઈ અમિત કુમાર સામેલ છે. માત્ર ચાહુમુખીની મોટી બહેન જ બિલકુલ ઠીક છે. હવે કલ્પના કરો કે જે પરિવારમાં પાંચમાંથી ચાર સભ્યો વિકલાંગ હોય તો તેમના ઘરની શું હાલત હશે. દિવ્યાંગ દંપતી મજૂરી કરીને બાળકોનું ધ્યાન રાખી રહ્યા છે.