November 20, 2024
ફિલ્મ અભિનેતા સોનુ સૂદ(Sonu Sood) તેના સામાજિક કાર્યોને કારણે અવારનવાર ચર્ચામાં રહે છે. તેઓએ કોરોનાકાળની(Coronal period) ભયંકર મહામારી દરમિયાન પણ લાખો લોકોની મદદ કરી હતી. તે દરમિયાન પગપાળા મુસાફરોને ઘરે પહોચાડ્યા તેમજ તેઓની રોજીંદી જરૂરિયાતો પણ પૂરી કરી હતી. ત્યારબાદ એક ખેડૂતની દીકરીઓ ખભા પર ઝૂંસરી લઈને બળદની જેમ ખેતર ખેડતી હોવાનો વીડિયો પણ સોશિયલ મીડિયા પર વાયરલ થયો હતો. તે જોતા જ સૂદે ઝડપથી તે પરિવાર માટે એક ટ્રેક્ટર મોકલ્યું હતું. આ રીતે સોનું સુદ હંમેશા લોકોની મદદ કરતા દેખાય છે.
ત્યારે હાલના દિવસોમાં તેનો વધુ એક વીડિયો સોશિયલ મીડિયા પર ખુબ જ વાઈરલ થઈ રહ્યો છે, જેમાં તે અકસ્માત ગ્રસ્ત કારમાંથી ઘાયલ યુવકને ખોળામાં લઈને દોડતો જોવા મળી રહ્યો છે. મળેલી માહિતી અનુસાર, સોનુ સૂદનો આ વીડિયો મોગા જિલ્લાનો છે, મંગળવારે રાત્રે જિલ્લાના કોટકપુરા બાયપાસ પર કાર અકસ્માત થયો હતો. તે જ સમયે સોનુ સૂદ તેની ટીમ સાથે ત્યાંથી પસાર થઈ રહ્યો હતો. જાણવા મળ્યું છે કે, અકસ્માત જોઈને તેણે પોતાની કાર રોકી અને ઈજાગ્રસ્તોની મદદ માટે પોતે પહોંચી ગયો.
Accident of 2 vehicles occured in Moga. Sonu Sood himself took out the unconscious boy from the car and took him to the hospital in his car. #sonusood pic.twitter.com/BM7fjvighU
— Gagandeep Singh (@Gagan4344) February 8, 2022
Trending News
વાયરલ થઈ રહેલા વીડિયોમાં સોનુ સૂદ પોતે કારનો દરવાજો ખોલે છે અને ઘાયલ યુવકને અંદરથી બહાર કાઢે છે. યુવકને ખોળામાં લઈને તે ઝડપથી તેની કારમાં લઈ જાય છે અને પછી તેને સારવાર માટે હોસ્પિટલ લઈ જાય છે. 2 મિનિટનો આ વીડિયો ગગનદીપ સિંહ (@Gagan4344) નામના યુઝરે શેર કર્યો છે. વીડિયોના અંતમાં સોનુ સૂદ હોસ્પિટલમાં ઘાયલ યુવક સાથે દેખાઈ રહ્યા છે.
સોનુ સૂદના આ કામથી સોશિયલ મીડિયા પર ખૂબ પ્રશંસા થઈ રહી છે. જાણવા મળ્યું છે કે, સોનુ સૂદની બહેન માલવિકા સૂદ મોગા વિધાનસભા સીટથી કોંગ્રેસની ટિકિટ પર ચૂંટણી લડી રહી છે, સૂદ ઘણીવાર મોગામાં પોતાની બહેન માટે પ્રચાર કરતા જોવા મળે છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.