સરકારે આપી મોટી રાહત- એક ઝાટકે પેટ્રોલના ભાવમાં કર્યો 40 રૂપિયાનો ઘટાડો, ડીઝલનો ભાવ યથાવત

આર્થિક સંકટનો સામનો કરી રહેલા ભારત(India)ના પાડોશી દેશ શ્રીલંકા(Sri Lanka)માં પેટ્રોલ(Petrol-Diesel Price)ના ભાવમાં રાહત મળી છે. મોંઘવારી(inflation)નો સામનો કરી રહેલા શ્રીલંકામાં પેટ્રોલ 40 રૂપિયા પ્રતિ લીટર સસ્તું થયું છે, જ્યારે ડીઝલની કિંમતમાં કોઈ ફેરફાર કરવામાં આવ્યો નથી.

શ્રીલંકાની સરકારે શનિવારે પેટ્રોલના ભાવમાં પ્રતિ લિટર 40 રૂપિયાનો ઘટાડો કર્યો છે. જેના કારણે દેશમાં પહેલીવાર ડીઝલના ભાવ પેટ્રોલના ભાવને વટાવી ગયા છે. શ્રીલંકામાં હવે પેટ્રોલ કરતાં ડીઝલ મોંઘુ વેચાઈ રહ્યું છે.

શ્રીલંકાના ઉર્જા મંત્રી કંચન વિજયશેખરે શનિવારે 01 ઓક્ટોબરે પેટ્રોલના ભાવમાં ઘટાડો કરવાની જાહેરાત કરતા કહ્યું કે પેટ્રોલની નવી કિંમત હવે પ્રતિ લિટર 410 શ્રીલંકન રૂપિયા થશે. તમને જણાવી દઈએ કે પેટ્રોલની કિંમતમાં ઘટાડા પહેલા પેટ્રોલ 450 રૂપિયા શ્રીલંકાના ભાવે વેચાઈ રહ્યું હતું.

તે જ સમયે, શ્રીલંકામાં ડીઝલની કિંમત હજુ પણ 430 શ્રીલંકન રૂપિયા પ્રતિ લિટર પર યથાવત છે. આ રીતે ડીઝલની કિંમત હવે પેટ્રોલ કરતા વધુ થઈ ગઈ છે. તમને જણાવી દઈએ કે છેલ્લા મહિનાથી આંતરરાષ્ટ્રીય બજારમાં કાચા તેલની કિંમતમાં ઘટાડો જોવા મળી રહ્યો છે.