November 18, 2024
Surat Causeway Close update News: સુરતમાં પ્રી-મોન્સૂન કામગીરીનો ધમધમાટ જોવા મળી રહ્યો છે. તાપી નદી પરના વિયર કમ કોઝ વે પર બન્ને બાજુ વાંસની આડશ કરવાનું મનપા એ દર ચોમાસાની જેમ શરુ કરી દીધુ છે. હવામાનની વાત કરીએ તો મુંબઈ સુધી ચોમાસું પહોંચી ગયું છે. સુરત જિલ્લામાં પણ મેઘરાજાની ધીમ ધારે પધરામણી થઈ ચૂકી છે. ત્યારે ભારે વરસાદ પડે તે અગાઉ સુરત મહાનગરપાલિકા દ્વારા દરવર્ષની જેમ પ્રી-મોન્સૂન કામગીરીનો ધમધમાટ છેલ્લા ઘણા સમયથી આદરી દેવામાં આવ્યો છે. રાંદેર અને કતારગામને જોડતા કોઝ વે પર લોખંડની ગ્રીલ કાઢીને વાંસની આડશ બાંધવાનું શરૂ કરી દેવામાં આવ્યું છે.
દર વર્ષે બંધાય છે બાંબુ
કોઝ વે પર બન્ને બાજુ દર વર્ષે ચોમાસું શરૂ થાય તે અગાઉ લોખંડની ગ્રીડ કાઢી નાખવામાં આવે છે. વરસાદી પાણીમાં કોઝ વેની સપાટી 6 મીટરથી ઉપર જતી રહે ત્યારે ધસમસતા પાણીમાં આ ગ્રીલ તણાઈ ન જાય તે માટે વાંસની આડશ લગાવવામાં આવતી હોય છે. જો કે ભારે પાણીના પ્રવાહમાં કંઈક મોટી વસ્તુ તણાઈ આવે ત્યારે વાંસની આડશ પણ ટક્કર ઝીલતી નથી.
સવારથી કામગીરી હાથ ધરાઈ
વાંસની આડશ બાંધવાનું સવારથી શરૂ કરી દેવાાં આવ્યું હતું. શ્રમિકો દ્વારા વાંસની આડશને કાથીની દોરીથી બાંધી દેવામાં આવી છે. જો કે, આ વર્ષે પણ સારું ચોમાસું હોવાની અટકળો વહેતી થઈ હોવાથી કોઝ વે આ વખતે પણ ઘણા દિવસો બંધ રહેશે તેવી આશંકા વ્યક્ત કરવામાં આવી રહી છે.
Trending News
હાલમાં સુરત મહાનગરપાલિકા વિસ્તારમાં મેટ્રોની કામગીરી ચાલી રહી છે. ત્યારે આગળ ચાર રસ્તા નજીક મેટ્રોના કારણે રસ્તાઓ અંશતઃ બંધ કરવામાં આવ્યા છે. ત્યારે ચંદ્રશેખર આઝાદ બ્રિજ થી કતારગામ તરફનું ટ્રાફિક અડાજણ તરફ જશે જેથી વેડ રોડ પર વાહનો ઘસારો વધી જશે. જેને લઈને વેડરોડ પર ટ્રાફિક સમસ્યાનો સામનો કરવો પડી શકે છે. બીજી તરફ સુરતમાં હાલમાં ટ્રાફિક સિગ્નલ પર કામગીરી કરવામાં આવી રહી છે, ત્યારે મેટ્રો પ્રોજેક્ટને કારણે પણ શહેરીજનોમાં ટ્રાફિક સિગ્નલની (surat traffic signal news) કામગીરીને લઈને અસમંજસ જોવા મળી રહી છે
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App