November 24, 2024
તાજમહેલ(Taj Mahal)માં હિંદુ દેવી-દેવતાઓની મૂર્તિઓ અને મંદિરના દાવા પર RTIમાં મોટો ખુલાસો થયો છે. આ RTI 20 જૂને તૃણમૂલ કોંગ્રેસ(Trinamool Congress)ના રાષ્ટ્રીય પ્રવક્તા સાકેત એસ ગોખલે(Saket S Gokhale) દ્વારા દાખલ કરવામાં આવી હતી. હવે ભારતીય પુરાતત્વ વિભાગ (ASI) એ જવાબ આપ્યો છે. ASIએ તાજમહેલમાં હિંદુ દેવી-દેવતાઓની મૂર્તિઓ હોવાનો ઈન્કાર કર્યો છે અને એમ પણ કહ્યું છે કે તાજમહેલ કોઈ મંદિરની જમીન પર બાંધવામાં આવ્યો નથી.
પહેલા સવાલમાં સાકેત એસ ગોખલેએ તાજમહેલની જમીન પર મંદિર ન હોવાના પુરાવા માંગ્યા હતા. બીજા પ્રશ્નમાં તેણે ભોંયરાઓના 20 રૂમમાં હિંદુ દેવી-દેવતાઓની મૂર્તિઓ વિશે પૂછ્યું હતું. આ આરટીઆઈના પ્રથમ પ્રશ્નના જવાબમાં ASIએ એક શબ્દમાં ‘ના’ લખ્યું છે. બીજા પ્રશ્નના જવાબમાં કહેવાયું છે કે અંદર હિન્દુ દેવી-દેવતાઓની મૂર્તિ નથી.
ભાજપના નેતાએ તાજમહેલના દરવાજા ખોલવા માટે કોર્ટમાં અરજી કરી હતી:
ભાજપના અયોધ્યા મીડિયા પ્રભારી ડૉ. રજનીશ સિંહે 7 મેના રોજ કોર્ટમાં અરજી દાખલ કરીને તાજમહેલના 22 રૂમ ખોલવાની માંગ કરી હતી. તેમને આશંકા હતી કે આ રૂમોમાં હિન્દુ દેવી-દેવતાઓની મૂર્તિઓ હશે. તેમણે કહ્યું કે આ બંધ ઓરડાઓ ખોલીને તેનું રહસ્ય દુનિયા સમક્ષ જાહેર કરવું જોઈએ.
Trending News
અરજીકર્તા રજનીશ સિંહે રાજ્ય સરકારને આ મામલે એક સમિતિની રચના કરવાની માંગ કરી હતી. ત્યારથી, તાજમહેલના રૂમના રહસ્યોને લઈને દેશમાં એક નવી ચર્ચા શરૂ થઈ. સાથે જ ઈતિહાસકારોનું કહેવું છે કે તાજમહેલ વિશ્વ ધરોહર છે. તેને ધાર્મિક રંગ ન આપવો જોઈએ.
ભારતના પુરાતત્વ વિભાગે અગાઉ પણ મૂર્તિઓની વાતને નકારી કાઢી છે:
આ પહેલા પણ હિન્દુ સંગઠનોએ તાજમહેલમાં હિન્દુ દેવી-દેવતાઓની મૂર્તિ હોવાનો દાવો કર્યો હતો. ત્યારે પણ ભારતના પુરાતત્વ વિભાગે મૂર્તિઓના અસ્તિત્વને સદંતર નકારી કાઢ્યું હતું. નોંધપાત્ર રીતે, ઘણા હિંદુ સંગઠનોએ સમય સમય પર દાવો કર્યો છે કે તાજમહેલ પહેલા એક મંદિર હતું. તે જ સમયે, ઘણા હિન્દુ સંગઠનોએ તેમાં હિન્દુ દેવી-દેવતાઓની મૂર્તિ હોવાનો દાવો પણ કર્યો છે. અહીં જણાવી દઈએ કે ત્રિશુલ ન્યુઝ આવા કોઈ દાવાની પુષ્ટિ કરતું નથી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.