November 05, 2024
અફઘાનિસ્તાનની પંજશીર ખીણમાં તાલિબાન અને ઉત્તરી ગઠબંધન વચ્ચે યુદ્ધ ચાલુ છે. દરમિયાન, પંજશીર ખીણમાં તાલિબાનની લોહિયાળ હિંસા સામે ભારે વિરોધ થઈ રહ્યો છે અને લોકો મોટા પ્રમાણમાં રસ્તા પર ઉતરી રહ્યા છે. લોકોએ તાલિબાનનો વિરોધ કર્યો અને પાકિસ્તાન વિરુદ્ધ પણ નારા લગાવ્યા. તમને જણાવી દઈએ કે પંજશીરમાં તાલિબાનના કબજા પાછળ પાકિસ્તાન અને તેની વાયુસેનાનો હાથ જણાવવામાં આવી રહ્યો છે.
પ્રદર્શનથી બોખલાયું તાલિબાન:
અફઘાનિસ્તાનમાં તાલિબાન પાકિસ્તાન સામે ઉઠેલા અવાજોથી ગુસ્સે ભરાયા છે અને પ્રદર્શનકારીઓ પર ગોળીબાર કર્યો છે. એએફપીના અહેવાલ મુજબ તાલિબાનોએ કાબુલમાં પાકિસ્તાન વિરોધી રેલીને વિખેરવા માટે ગોળીબાર કર્યો હતો. ઘણી મહિલાઓ અને બાળકોને ઈજા પહોંચી હોવાના અહેવાલ છે.
#Breaking (Asvaka Exclusive)
Happening now near Presidential Palace.
Taliban open fire on anti-Pakistan protesters who were marching towards ARG & Kabul Serena Hotel where the #Pak ISI director is living. pic.twitter.com/XvtMcM3OcI— Aśvaka – آسواکا News Agency (@AsvakaNews) September 7, 2021
Trending News
પંજશીર યુદ્ધમાં પાકિસ્તાનની હસ્તક્ષેપ અને તાલિબાનને ટેકો આપવાને કારણે અફઘાનિસ્તાનના લોકો નારાજ છે અને તેઓ સતત બીજા દિવસે પાકિસ્તાન સામે વિરોધ પ્રદર્શન કરી રહ્યા છે. આ દરમિયાન પ્રદર્શનકારીઓના હાથમાં પોસ્ટરો છે, જેના પર પાકિસ્તાન વિરુદ્ધ સૂત્રો લખેલા છે. પ્રદર્શનમાં મહિલાઓ અને બાળકો પણ સામેલ છે. મહિલાઓએ પાકિસ્તાન વિરુદ્ધ ઉગ્ર પ્રદર્શન કર્યું અને પાકિસ્તાન મુર્દાબાદના નારા લગાવ્યા.
Anger mounting on the streets of Kabul, people chanting “freedom” and “death to Pakistan”. The demonstrators, many of them women, are in the centre of the Afghan capital #Afghanistan pic.twitter.com/Jg5RDzFsiA
— Yalda Hakim (@BBCYaldaHakim) September 7, 2021
તાલિબાને દાવો કર્યો છે કે, અફઘાનિસ્તાનનો છેલ્લો પ્રાંત પંજશીર તેના વિરોધીઓ દ્વારા નિયંત્રિત છે. સુરક્ષાના કારણોસર ઓળખને ગુપ્ત રાખીને પ્રત્યક્ષદર્શીઓએ જણાવ્યું હતું કે હજારો તાલિબાન લડવૈયાઓએ આખી રાત કાર્યવાહી કરી હતી અને પંજશીરના આઠ જિલ્લા કબજે કર્યા હતા. તાલિબાનના પ્રવક્તા ઝબીહુલ્લાહ મુજાહિદે સોમવારે એક નિવેદન જારી કરીને પુષ્ટિ કરી હતી કે પંજશિર હવે તાલિબાન લડવૈયાઓના નિયંત્રણમાં છે.
નેશનલ રેઝિસ્ટન્સ ફોર્સ (એનઆરએફ), જે તાલિબાન શાસનનો વિરોધ કરી રહી છે, એ જણાવ્યું હતું કે પંજશીર ખીણ હજુ પણ મુક્ત છે અને તાલિબાન તેને પકડી શક્યું નથી. NRF એ કહ્યું કે, આ વિસ્તારમાં હજુ પણ લડાઈ ચાલી રહી છે. નેશનલ રેઝિસ્ટન્સ ફોર્સ અનુસાર, તાલિબાનને મદદ કરવા માટે પાકિસ્તાન સેના અને ડ્રોન દ્વારા તેમના પર હુમલા કરી રહ્યું છે. રેસિડેન્ટ ફોર્સના જણાવ્યા અનુસાર, પાકિસ્તાન આર્મીના SSG કમાન્ડો પંજશીર પર હુમલો કરતા જોવા મળ્યા છે. સૂત્રોના જણાવ્યા અનુસાર તાલિબાનને મદદ કરવા માટે આઈએસઆઈ ચીફ હમીદ ફૈઝ શનિવારથી કાબુલમાં છે. એવું માનવામાં આવે છે કે તાલિબાનના ઈશારે તેઓએ પાકિસ્તાની ડ્રોન અને સેનાના એકમોને પંજશીર પર હુમલો કરવા માટે મોકલ્યા છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.