જન્મદિવસનાં દિવસે જ ઊઠી યુવકની અર્થી- સમગ્ર ઘટના જાણીને આંસુ નહીં રોકી શકો

ઉત્તર પ્રદેશ (Uttar Pradesh)ના ગાઝીપુરમાં (Ghazipur) માં ઢાબા ઉપર જન્મદિવસ મનાવવા ગયેલા એક ગ્રામ વિકાસ અધિકારીની હત્યા કરવામાં આવી હતી. જાણવા મળ્યું છે કે, કાલિકા ઢાબા ઉપર ખાવા અંગે વિવાદ થયો હતો. ગ્રામ વિકાસ અધિકારી જિય યાદવ જૌનપુરના ડોભી વિકાસ ખંડમાં તૈનાત હતા.

ઢાબા ઉપર ખાવાના વિવાદને લઈને ઢાબામાં ગ્રાહકો અને કર્મચારીઓ વચ્ચે ભારે મારામારી થઈ હતી. આ દરમિયાન વિજયનું મોત નીપજ્યું હતું. જ્યારે બીજા ગંભીર રૂપથી ઘાયલ થયા હતા. પોલીસ દ્વારા આ અંગે ફરિયાદ નોંધીને ચાર લોકોની ધરપકડ કરવામાં આવી છે.

મળતી માહિતી મુજબ, વિજય યાદવનો બુધવારે જન્મદિવસ હતો. તે પોતાના દોસ્તો સાથે કાલિકા ઢાબા ઉપર જન્મદિવસ મનાવવા માટે ગયો હતો. આ દરમિયાન કેટલાક લોકો સાથે વિવાદ થયો હતો અને મારા મારી પણ થઈ હતી.

જેમાં વિજય યાદવ અને તેમના મોટા ભાઈ સોમા યાદવ ગંભીર રીતે ઘાયલ થયા હતા. ઘટનાની જાણ થતા પોલીસ ઘટના સ્થળે પહોંચી હતી. વિજયને સારવાર માટે ટ્રોમા સેન્ટર મોકલવામાં આવ્યા હતા. જ્યાં તેમનું મોત થયું હતું. મારામારીમાં ઘાયલ સોમાની હાલત પણ ગંભીર જણાવવામાં આવી રહી છે.