November 02, 2024
ગુજરાતના મોરબીમાં પુલ(Bridge collapsed in Morbi) તૂટ્યાનો બનાવ બન્યા બાદ હવે ઉત્તરપ્રદેશ(Bridge collapsed in up)માં પુલ તુટવાની ઘટના સામે આવતા હાહાકાર મચી જવા પામ્યો છે. જો વાત કરવામાં આવે તો સોમવારના રોજ છઠ પૂજા દરમિયાન નદી અને તળાવમાં ડૂબી જવાથી ચાર લોકોના મોત થયા હતા. આઝમગઢમાં એકબીજા પર પાણી ફેંકતી વખતે નાની સરયૂ નદીના જોરદાર પ્રવાહમાં ચાર યુવકો ડૂબી ગયા. હાજર લોકોએ ત્રણ લોકોને બચાવ્યા. જ્યારે એક છોકરો સત્યમ યાદવ (15)નું ડૂબી જવાથી મોત થયું હતું.
બીજી તરફ ચંદૌલીમાં કર્મનાશા નદી પર બનેલો પુલ અચાનક તૂટી પડ્યો. અકસ્માતમાં છઠ પૂજા જોવા આવેલા 12થી વધુ લોકો કેનાલમાં પડી ગયા હતા. કેનાલમાં પાણી ઓછું હતું જેથી કોઈ મોટો અકસ્માત થયો ન હતો.
Trending News
તે જ સમયે, કુશીનગરના તુર્કપટ્ટી પોલીસ સ્ટેશન વિસ્તારના માનસરોવર તળાવમાં ડૂબી જવાથી યુવકનું મોત થયું હતું. જૌનપુરમાં અર્ઘ્ય વસ્તુઓ લઈને જઈ રહેલા યુવકનું તળાવમાં ડૂબી જવાથી મોત થયું હતું. દેવરિયામાં છઠ પર મિત્રો સાથે તળાવમાં ન્હાવા ગયેલા યુવકનું ડૂબી જવાથી મોત થયું હતું.
ચંદૌલીના ચકિયા કોતવાલી વિસ્તારના સરૈયા ગામમાં લોકો છઠ પૂજા જોવા માટે કરમનાશા નહેરના કિનારે જઈ રહ્યા હતા. તે દરમિયાન માર્ગમાં પડતા પુલ તૂટીને પડી ગયો હતો. અચાનક થયેલા અકસ્માતમાં 12થી વધુ લોકો કેનાલમાં પડી ગયા હતા. જો કે કેનાલમાં પાણી ઓછું હોવાથી કોઈને ઈજા થઈ નથી. પરંતુ સ્થળ પર નાસભાગ મચી ગઈ હતી.
ઘટનાસ્થળે પહોંચેલા એસપી ગ્રામીણ રાહુલ રુસિયાનું કહેવું છે કે આ ઘાટ પર છઠ પૂજાનું આયોજન કરવામાં આવી રહ્યું છે તેની જાણકારી ન તો ગામના વડા કે કોઈ ગ્રામવાસીએ આપી હતી. જો વહીવટી તંત્રને આ બાબતની જાણ હોત તો અહીં પણ પુરતી વ્યવસ્થા કરવામાં આવી હોત.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.