કોરોનાના કહેરને અટકાવવા આ ભારતીય ઉદ્યોગપતિ આપશે 100 કરોડની સહાય

અત્યારે સમગ્ર વિશ્વના દેશો કોરોના વાયરસ મહામારી સામે લડી રહ્યા છે ત્યારે ભારત પણ કોરોના સામે લડવા માટે કમર કસી છે. જેના ભાગરૂપે 22 માર્ચના રોજ સમગ્ર ભારતમાં જનતા કર્ફ્યૂ રહ્યો હતો. ત્યારે સાંજે પાંચ વાગે સમગ્ર દેશવાસીઓએ તાળીઓ અને થાળીઓ વગાડીને કોરોના સામે જંગ લડતા વીરોનું સમ્માન કર્યું હતું. આ સાથે કોરોના વાયરસ સામે લડવા માટે અનેક કંપનીઓ સામે આવી છે. ત્યારે વેદાંતા પણ કોરોના સામે લડવા માટે આગળ આવી છે. વેદાંતા રિસોર્શ લિમિટેડના ચેરમેન અનિલ અગ્રવાલે કોરોના વાયરસ સામે લડાઈ લડવા માટે 100 કરોડ રૂપિયા આપવાની જાહેરાત કરી છે.

I am committing 100 cr towards fighting the Pandemic. #DeshKiZarooratonKeLiye is a pledge that we undertook & this is the time when our country needs us the most. Many people are facing uncertainty & I’m specially concerned about the daily wage earners, we will do our bit to help pic.twitter.com/EkxOhTrBpR

— Anil Agarwal (@AnilAgarwal_Ved) March 22, 2020

અનિલ અગ્રવાલે આ અંગેની માહિતી આપતું એક ટ્વીટ કર્યું છે. જેમાં તેમણે ટ્વિટમાં જણાવ્યું હતું કે, હું કોરોના વાયરસ સામે લડવા માટે 100 કરોડ રૂપિયા આપવા કટીબદ્ધ છું. તેમણે #DeshKiZarooratonKeLiye સાથે વધું લખ્યું હતું કે, અત્યારે સમગ્ર દેશ અનિશ્વિતાઓ સામે લડી રહ્યો છે. દેશને અમારી જરૂર છે. જેમાં ખાસ કરીને રોજનું વેતરન રળતા લોકો માટે ચિંતિત છું. તેમને મદદ કરવા માટે અમે પ્રયત્ન કરીશું.