November 02, 2024
ચતરા(ઝારખંડ): ઝારખંડ (Jharkhand)ના ચતરા (Chatra)થી એક ખુબ જ ચોકાવનારો કિસ્સો સામે આવ્યો છે. મળતી માહિતી અનુસાર, અહીં એક યુવકને તેની માસી સાથે પ્રેમ(Love) થઈ ગયો. જ્યારે બંને પક્ષના પરિવારજનોને આ વાતની જાણ થઈ તો તેઓએ ઘણો વિરોધ કર્યો, પરંતુ યુવક અને યુવતી માન્યા નહિ અને મંદિરમાં જઈને લગ્ન કરી લીધા. ચતરામાં આ લવસ્ટોરી (Lovestory)ની ખૂબ જ ચર્ચા થઈ રહી છે. બંનેનું પ્રેમપ્રકરણ લગભગ એક વર્ષથી ચાલતું હતું.
પુત્ર બન્યો પિતાનો સાઢુ:
લગ્ન બાદ પિતા-પુત્રના સંબંધોમાં વધુ એક કડી આવી છે અને હવે તે પોતાના જ પિતાનો સાઢુ બની ગયો છે. તે જ સમયે, છોકરાની માતા તેની જ બહેનની સાસુ બની ગઈ છે. આ કિસ્સો ચત્રાના રાક્સી ગામનો છે, જ્યાં ચત્રામાં રહેતા અશોક રાણાને તેની જ માસી સોની સાથે છેલ્લા એક વર્ષથી અફેર ચાલતું હતું. બંને એકબીજાને અવારનવાર મળતા હતા અને ફોન પર પણ ઘણી વાતો કરતા હતા. બાદમાં બંનેએ એકબીજા સાથે લગ્ન કરવાનું નક્કી કર્યું અને શુક્રવારે શિવ મંદિરમાં લગ્ન કર્યા.
પરિવારજનોએ વિરોધ કર્યો હતો:
તેમના લગ્નના સમાચાર ગામમાં પહોંચતા જ હોબાળો મચી ગયો હતો. સોની અને અશોક બંનેના પરિવારજનોએ આ લગ્નનો વિરોધ કર્યો હતો. વધી રહેલા વિરોધને જોઈને બંને કોઈક રીતે ત્યાંથી ભાગી છૂટ્યા અને કોઈ અજાણી જગ્યાએ રાત વિતાવ્યા પછી બંને બીજા દિવસે સદર પોલીસ સ્ટેશન પહોંચ્યા અને પોતાની આખી વાત કહી. બંને પુખ્ત વયના હોવાથી અને પોતાની મરજીથી લગ્ન કર્યા હોવાથી પોલીસે બંનેના પરિવારજનોને બોલાવી સમજાવીને પીઆર બોન્ડ પર છોડી દીધા હતા. આ પછી પણ પરિવાર સહમત ન થયો પરંતુ પરિણીત યુગલ સાથે રહેવા પર અડગ છે.
Trending News
મુશ્કેલીથી હાલાત શાંત કર્યા હતા:
યુવક અશોક હૈદરાબાદમાં એક ખાનગી કંપનીમાં કામ કરે છે અને તેનું કહેવું છે કે તે તેની પત્નીને લગ્ન પછી સાથે જ રાખશે. તે જ સમયે બંનેના ઘરમાં ભારે તંગદિલી સર્જાઈ હતી અને કોઈક રીતે ગ્રામજનોએ વાતાવરણને શાંત પાડ્યું હતું અને માતા-પિતાને સમજાવીને સ્થિતિ સામાન્ય બનાવવાનો પ્રયાસ કર્યો હતો.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.