સામાન્ય પરિવારની આ દીકરી IAS બની કરે છે દેશની સેવા – UPSC પાસ કરવા માટે સતત 6 મહિના સુધી પોતાને એક રૂમમાં રાખી બંધ  

આપણે જાણીએ છીએ કે UPSC પરીક્ષા દેશની સૌથી અઘરી પરીક્ષાઓમાંની એક છે અને જેઓ આ પરીક્ષા પાસ કરે છે તેઓને IAS ઓફિસર તરીકે નિયુક્ત કરવામાં આવે છે. મહત્વાકાંક્ષી IAS ઉમેદવારો UPSC પરીક્ષા પાસ કરવા માટે તેમના શ્રેષ્ઠ પ્રયાસો કરે છે અને તેમાંથી કેટલાક તેમના લક્ષ્યને પ્રાપ્ત કરવા માટે ખરેખર સખત મહેનત કરે છે. IAS ઓફિસર નિધિ સિવાચ એક એવી જ વ્યક્તિ છે જેણે UPSC પરીક્ષા પાસ કરવા માટે 6 મહિના સુધી પોતાની જાતને એક રૂમમાં બંધ કરી અને અભ્યાસ માટે પોતાનું સર્વશ્રેષ્ઠ આપ્યું.

નિધિ સિવાચ હરિયાણાના ગુરુગ્રામની રહેવાસી છે. તેણે તેના ધોરણ 10મા અને 12મા ધોરણની પરીક્ષામાં 95 ટકા અને 90 ટકા માર્ક્સ મેળવ્યા હતા. તે દીનબંધુ છોટુરામ યુનિવર્સિટી, સોનીપત, હરિયાણામાંથી મિકેનિકલ એન્જિનિયરિંગ સ્નાતક છે. આ દરમિયાન નિધિના પરિવારની ઈચ્છા હતી કે તે લગ્ન કરે, તેની સામે એક શરત રાખવામાં આવી કે કાં તો UPSC ક્લિયર કરો અથવા લગ્ન કરી લો.

તેથી નિધિએ પરિવારની આ શરત સ્વીકારી લીધી. તેણે નક્કી કર્યું કે આ વખતે તેણે IASની પરીક્ષા પાસ કરવી છે. જેના કારણે તેણે સખત મહેનત કરી હતી. તેમજ નિધિ સિવાચની મહેનતનું ફળ મળ્યું કારણ કે તેણી 2018માં ત્રીજા પ્રયાસમાં UPSC પરીક્ષા પાસ કરવામાં સફળ રહી અને ઓલ ઈન્ડિયામાં 83 રેન્ક મેળવ્યો. બાદમાં નિધિને IAS પદ માટે પસંદ કરવામાં આવી હતી.