January 31, 2025
ગુજરાતના અમદાવાદમાં પરમ પૂજ્ય પ્રમુખસ્વામી મહારાજનો શતાબ્દી મહોત્સવ ધામધૂમથી ઉજવાઈ રહ્યો છે. પ્રમુખ સ્વામી નગર એટલું ભવ્ય અને વિશાળ છે કે, એક દિવસમાં બધુ વ્યવસ્થિતિ રીતે જોઈ લેવું કદાચ શક્ય ન પણ બને. આ શતાબ્દી મહોત્સવમાં દરરોજના લાખો હરિભક્તો મુલાકાત લઈ રહ્યા છે. ત્યારે આ નગરમાં એક ચોકાવનારી ઘટના સામે આવી છે.
આ એક સત્ય ઘટના છે, જે પ્રમુખસ્વામી મહારાજના શતાબ્દી મહોત્સવ માંથી સામે આવી છે. નગરમાં સલામતી તરીકે સેવા આપતા મંજુલાબેન જે ગોંડલ જોનના જેતપુરના છે. મંજુલાબેન ગેટ નંબર બે પાસે આવેલી પ્રેમવતી પાસે તેઓની સેવા હતી, આ ઘટના ત્યાની જ છે. ત્યા એક ગાડું મુકેલું છે. ત્યાં ચાર માણસો બેઠા હતા. તેમને બેઠેલા જોઈને મંજુલાબેન તેમની પાસે ગયા અને કહ્યું, “જય સ્વામીનારણ, ભાઈ અહી ના બેસો કારણ કે આ બેસવાની જગ્યા નથી” ત્યારે ત્યાં બેઠલા લોકો કાઈ બોલ્યા નહી અને થોડી વાર સામુ જોતા રહ્યા અને ઉભા થયા નહી.
તેઓએ મંજુલાબેનની વાત ન માની અને ત્યારે મંજુલાબેન એની જગ્યા પર પાછા જત રહ્યા હતા, તેઓ ત્યાંથી થોડા આગળ નીકળ્યા હતા. અને ત્યારેજ અચાનક ત્યાં બેઠેલા ચાર યુવાનો માંથી એક યુવાન દોડીને આવ્યો અને મંજુલાબેન ને ઉભા રાખ્યા અને બોલ્યો, “દીદી જય સ્વામીનારણ, જયારે તમે અમારી સાથે વાત કરવા આવ્યા અને ત્યાર બાદ પાછા ફર્યા ત્યારે તમારી પીઠ પાછળ અમને પ્રમુખસ્વામી મહારાજના દર્શન થયા ત્યારે અમે ચોકી ગયા”, આ યુવક વાત કરતી વખતે ખુબજ આકુળ-વ્યાકુળ હતો.
Trending News
તે યુવકે આગળ વાત કરતા જણાવ્યું કે, “દીદી અમે તો અહી મોબાઈલ, લોકોના પાકિટ અને અન્ય કિંમતી વસ્તુઓની ચોરી કરવા માટે આવ્યા હતા, પણ અમે હવેથી કોઈ દિવસ ચોરી નહિ કરીએ” તેમ બોલ્યો. ત્યારે મંજુલાબેનએ તે યુવાનોને પાણી લઈને સંકલ્પ લેવાનું કહ્યું, ત્યારે તે યુવાનોએ મંજુલાબેન પાસે પાણી માગ્યું અને ત્યારે સ્ત્રી પુરુષની મર્યાદા પ્રમાણે મંજુલાબેનએ પાણી ના આપ્યું અને કહ્યું, સામે પાણીની પરબ છે ત્યાંથી પાણી લઇ આવો.
ત્યાર બાદ બધા યુવાનો પાણીની પરબ માંથી પાણી લઇ આવ્યા અને સંકલ્પ કર્યો કે, “હવેથી અમે કોઈ દિવસ ચોરી કરીશું નહી અને નગરના દર્શન કરીને જ જાશુ અને અમે પ્રમુખસ્વામી મહારાજના સત્સંગી પણ બનીશું” આ પ્રસંગના સાક્ષી રેખાબેન કથીરિયા અને જ્યાંબેન વિરડીયા પણ છે. મંજુલાબેનએ કહ્યું કે, આ પ્રસંગને યાદ કરીને મારા રુવાડા બેઠા થઈ જાય છે.
આ પ્રસંગ વિષે સાંભળીને મનમાં એમ થાય છે કે ખરેખર પ્રમુખસ્વામી મહારાજ દિવ્ય દેહે નગરમાં છે. આ ચોરી કરવા આવેલા લોકો અત્યારે ભલે ચોર હોય પરંતુ પૂર્વ જન્મમાં મુમુક્ષ જીવ હશે અને એટલે જ તેમને આ જન્મમાં પ્રમુખસ્વામી મહારાજના દર્શન થયા અને તેમનું જીવન પરિવર્તન થયું. આ સત્ય ઘટના સાંભળતાજ આપદા રુવાડા ઉભા થઈ જાય છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરો.