સુરતના આ ધારાસભ્યએ લાખો રૂપિયાની ગ્રાન્ટ આપી સુરતીઓની દાંતની સારવાર માટે જરૂરી ઓપીજી એક્સરે મશીન મુકાવ્યું

સુરત શહેરમાં મંગળવારના રોજ રાજય સરકાર દ્વારા નવી સિવિલ હોસ્પિટલના દાંત વિભાગને આપવામાં આવેલું રૂા.૧૮ લાખના ખર્ચે અદ્યતન ઓ.પી.જી.ડિઝીટલ એકસરે મશીનનું ધારાસભ્ય હર્ષ સંધવીએ ઉદ્દધાટન કર્યું હતું. આ પ્રસંગે તેમણે જણાવ્યું હતું કે, સિવિલમાં રોજના ૨૫થી વધુ દાંતના દર્દીઓને આ મશીન થકી અદ્યતન સારવાર ઉપલબ્ધ બનશે. આ અવસરે ધારાસભ્યએ સિવિલના રેડિયોલોજી વિભાગને બે ડિઝીટલ એકસ-રે મશીન ખરીદવા માટે પોતાની ધારાસભ્યની ગ્રાંટ આપવાની જાહેરાત કરી હતી.

એક એકસ-રે મશીન અંદાજીત રૂા.૧૦ થી ૧૨ લાખની કિંમતનું મળે છે. હવે ધારાસભ્યની ગ્રાંટ મળવાથી સિવિલને બે નવા એકસ-રે મશીનો ઉપલબ્ધ થશે. સિવિલમાં દાંતની સારવાર માટે આવતા રોજના ૨૫થી વધુ દર્દીઓ માટે મશીન આશીર્વાદરૂપ બનશે.