November 18, 2024
રિલાયન્સ ઇન્ડસ્ટ્રીઝ (Reliance Industries) અને બ્રિટનના BP વચ્ચેના સંયુક્ત સાહસ Jio-BPએ 20 ટકા ઇથેનોલ મિશ્રણ સાથે પેટ્રોલ રજૂ કર્યું છે. આ ક્રૂડ ઓઈલની આયાત અને કાર્બન ઉત્સર્જન ઘટાડવાના સરકારના કાર્યક્રમને અનુરૂપ છે. કંપનીએ ગુરુવારે એક નિવેદનમાં જણાવ્યું હતું કે આ સાથે Jio-બીપી E-20 ઇંધણ પ્રદાન કરવા માટે પ્રથમ રિટેલર્સ સાથે જોડાયું છે.
E-20 ઇંધણ સાથે સુસંગત વાહનોના માલિકો પસંદગીના Jio-BP પેટ્રોલ પંપ પરથી આ ઇંધણ લઈ શકશે, એમ કંપનીએ જણાવ્યું હતું. ટૂંક સમયમાં તેને સમગ્ર નેટવર્કમાં વિસ્તારવામાં આવશે. ઇ-20 ઇંધણમાં 20 ટકા ઇથેનોલ અને 80 ટકા ગેસોલિન હોય છે.
પેટ્રોલમાં ઇથેનોલ ભેળવવાના કાર્યક્રમથી ક્રૂડ ઓઇલની આયાતમાં ઘટાડો થશે અને કાર્બન ઉત્સર્જનમાં ઘટાડો થશે, જ્યારે તેનાથી ખેડૂતોની આવકમાં પણ વધારો થશે. કંપનીએ નિવેદનમાં કહ્યું, ‘ભારતનો ઇંધણ અને પરિવહન ઉદ્યોગ ઝડપથી વધી રહ્યો છે.
Trending News
એવી અપેક્ષા છે કે આગામી 20 વર્ષમાં તે વિશ્વનું સૌથી ઝડપથી વિકસતું ઇંધણ બજાર બની જશે. તે જ અઠવાડિયે, વડા પ્રધાન નરેન્દ્ર મોદીએ બેંગલુરુમાં ઈન્ડિયા એનર્જી વીક-2023માં 20 ટકા ઈથેનોલ બ્લેન્ડિંગ પેટ્રોલ રજૂ કર્યું હતું, જેનું વેચાણ સોમવારે દેશના 11 રાજ્યો અને કેન્દ્રશાસિત પ્રદેશોના પસંદગીના પેટ્રોલ પંપો પર શરૂ થઈ ગયું છે.
પીએમ મોદીએ કહ્યું હતું કે, ‘અમે પેટ્રોલમાં ઇથેનોલનું મિશ્રણ 2014માં 1.5 ટકાથી વધારીને 10 ટકા કર્યું છે. હવે અમે 20 ટકાના લક્ષ્ય તરફ આગળ વધી રહ્યા છીએ. પ્રથમ તબક્કામાં 15 શહેરોમાં 20 ટકા ઇથેનોલ મિશ્રણ સાથેનું પેટ્રોલ લોન્ચ કરવામાં આવશે.
આગામી બે વર્ષમાં તેને દેશભરમાં રજૂ કરવામાં આવશે. પેટ્રોલમાં 10 ટકા ઇથેનોલ ભેળવીને દેશ રૂ. 53,894 કરોડનું વિદેશી હૂંડિયામણ બચાવે છે. ખેડૂતોને પણ તેનો લાભ મળે છે. E-20 (20% ઇથેનોલ સાથેનું પેટ્રોલ) 11 રાજ્યો/કેન્દ્રશાસિત પ્રદેશોમાં ત્રણ PSUsના પેટ્રોલ પંપ પર ઉપલબ્ધ છે.
પેટ્રોલિયમ મંત્રી હરદીપ સિંહ પુરીએ કહ્યું હતું કે, ભારતે જૂન 2022 દરમિયાન પાંચ મહિના અગાઉ પેટ્રોલમાં 10 ટકા ઇથેનોલ ભેળવવાનું લક્ષ્ય હાંસલ કર્યું હતું. તેણે કહ્યું હતું કે, ‘આ સિવાય, અમે E20 પેટ્રોલ પૂરા પાડવાની સમયમર્યાદા અગાઉ (વર્ષ 2025) કરી દીધી છે. અગાઉ આ સમયમર્યાદા 2030 હતી. તેમણે કહ્યું હતું કે હવે પ્રાયોગિક ધોરણે પણ E20 સમય પહેલા રજૂ કરવામાં આવી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.