November 02, 2024
કાશ્મીર(Kashmir)ના બારામુલ્લા(Baramulla)ના કરેરી વિસ્તારમાં નજીભાત ચોકડી પર આતંકવાદીઓ સાથે પોલીસ અને સેનાની અથડામણ શરૂ થઈ ગઈ છે. આ એન્કાઉન્ટરમાં સેનાએ અત્યાર સુધીમાં ત્રણ પાકિસ્તાની આતંકીઓને ઠાર કર્યા છે. તે જ સમયે, જમ્મુ-કાશ્મીર પોલીસનો એક જવાન શહીદ થયો છે. આ માહિતી કાશ્મીરના આઈજીપી વિજય કુમારે આપી છે.
Jammu and Kashmir | An encounter has started at Najibhat crossing in Kreeri area of Baramulla. Police and Army on job. Further details shall follow: Kashmir Zone Police
— ANI (@ANI) May 25, 2022
આ ઘટના પહેલા મંગળવારે કુલગામ જિલ્લાના યારીપોરામાં આતંકવાદીઓએ પોલીસ સ્ટેશન પર હુમલો કર્યો હતો. આતંકીઓએ ગ્રેનેડથી હુમલો કર્યો હતો. આ દરમિયાન પોલીસકર્મીઓએ પોતાનો બચાવ કરીને જવાબી કાર્યવાહી કરી હતી. આ હુમલામાં ત્રણ નાગરિકો ઘાયલ થયા હતા. તાજેતરમાં જ શ્રીનગરમાં આતંકવાદીઓએ એક પોલીસકર્મીની હત્યા કરી નાખી છે.
Trending News
આતંકવાદીઓએ સૌરા વિસ્તારમાં મલિક સાબના રહેવાસી પોલીસકર્મી સૈયદ કાદરીના પુત્ર સૈફુલ્લાહ કાદરીને ગોળીબાર કર્યો હતો. આ હુમલામાં શહીદ પોલીસકર્મીની પુત્રી પણ ઘાયલ થઈ છે. તે જ સમયે, થોડા દિવસો પહેલા જમ્મુ-કાશ્મીર પોલીસે પ્રતિબંધિત આતંકવાદી સંગઠનના પાંચ સંકર આતંકવાદીઓની ધરપકડ કરી હતી.
જણાવી દઈએ કે, 13 મેના રોજ જમ્મુ-કાશ્મીરના બાંદીપોરા જિલ્લામાં સુરક્ષાદળો દ્વારા એન્કાઉન્ટર દરમિયાન લશ્કર-એ-તૈયબાના બે આતંકવાદીઓ માર્યા ગયા હતા. આ આતંકવાદીઓ તાજેતરમાં જ કાશ્મીરમાં ઘૂસ્યા હતા અને આ બંને એક દિવસ પહેલા જ બડગામમાં કાશ્મીરી પંડિત રાહુલ ભટની હત્યામાં સામેલ હતા. પોલીસે આ માહિતી આપી હતી. જમ્મુ-કાશ્મીરના બડગામમાં સરકારી નોકરી કરતા કાશ્મીરી પંડિત રાહુલ ભટની લશ્કર-એ-તૈયબાના આતંકવાદીઓ દ્વારા હત્યા કરવામાં આવી હતી.
પોલીસ પ્રવક્તાએ કહ્યું કે, આતંકવાદીઓની હાજરીની માહિતીને પગલે સુરક્ષા દળોએ ઉત્તર કાશ્મીરના બાંદીપોરામાં બેરારમાં ઘેરાબંધી અને સર્ચ ઓપરેશન શરૂ કર્યું હતું. તેમણે કહ્યું કે છુપાયેલા આતંકવાદીઓએ સુરક્ષા દળો પર ગોળીબાર કર્યા બાદ સર્ચ ઓપરેશન એન્કાઉન્ટરમાં ફેરવાઈ ગયું અને જવાનોએ જવાબી કાર્યવાહી કરી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.