અહિયાં 3 માળની ઇમારત થઇ ધરાશાયી: 10 લોકોના મોત, 20 વ્યક્તિ ફસાયા હોવાની આશંકા -જુઓ વિડીયો

મહારાષ્ટ્રની રાજધાની મુંબઇ નજીક મોટો અકસ્માત થયાના સમાચાર છે. મુંબઇની બાજુમાં આવેલા ભિવંડીમાં 3 માળનું બિલ્ડિંગ (Bhiwandi Building Collapses) ધરાશાયી થઈ છે. આ અકસ્માત સોમવારે સવારે થયો હતો. અકસ્માતની જાણ થતાં જ પોલીસ અને એનડીઆરએફની ટીમ ઘટના સ્થળે પહોંચી હતી. સમાચાર એજન્સી ANI ના જણાવ્યા અનુસાર, આ દુર્ઘટનામાં અત્યાર સુધીમાં 10 લોકોના મોત નિપજ્યા છે. સ્થાનિક લોકોની મદદથી ઓછામાં ઓછા 20 લોકોને સુરક્ષિત બહાર કાઢવામાં આવ્યા છે. કાટમાળ નીચે દટાયેલા 20 લોકો માટે બચાવ કામગીરી (Rescue Operation) હાથ ધરી છે.

#UPDATE Maharashtra: Death toll rises to 10 in the building collapse incident in Bhiwandi, Thane which took place earlier today.

Rescue operation by NDRF (National Disaster Response Force) still underway. pic.twitter.com/MXHBlJQWWg

— ANI (@ANI) September 21, 2020

થાણે મ્યુનિસિપલ કોર્પોરેશનના પીઆરઓએ જણાવ્યું હતું કે, અકસ્માત ભિવંડીના પટેલ કમ્પાઉન્ડ ખાતે સવારે 3.20 વાગ્યે થયો હતો. તે દરમિયાન મકાનના લોકો સૂઈ ગયા હતા. હજી સુધી 10 લોકોના મૃતદેહ કાટમાળમાંથી મળી આવ્યા છે. મરનાર વ્યક્તિની ઓળખ થઇ રહી છે. બાકીના લોકોની શોધ ચાલુ છે.

થાણે મ્યુનિસિપલ કોર્પોરેશનના પીઆરઓ અનુસાર, 1984 માં બંધાયેલા મકાન નંબર 69, જીલાની એપાર્ટમેન્ટ નામની અડધી બિલ્ડિંગ મોડી રાત્રે તૂટી પડી હતી. આ બિલ્ડિંગ ડેન્જર લિસ્ટમાં હતી. તેને ખાલી કરવાની નોટિસ પણ જારી કરવામાં આવી હતી. નોટિસ મળ્યા પછી કેટલાક લોકો અહીંથી ચાલ્યા ગયા, પરંતુ કેટલાક લોકો અહીં રહી રહ્યા હતા.