ભયંકર માર્ગ અકસ્માતમાં બહેનની નજર સામે મોતને ભેટ્યો વહાલો ભાઈ, કાર અને બાઈકના કુરચે-કુરચા નીકળી ગયા

Two Killed In Car Bike Accident In Rajasthan: આબુ રોડ (Abu Road) ના સદર પોલીસ સ્ટેશન વિસ્તારમાં સ્થિત કિવરલી પાસે શનિવારે રાત્રે 9 વાગ્યે એક માર્ગ અકસ્માતમાં બે યુવકોના મોત થયા હતા, ત્યારે એક મહિલા ગંભીર રીતે ઘાયલ થઈ હતી. એસઆઈ કુયારામે જણાવ્યું કે, કિવરલી નજીક રહેતા દિનેશ પ્રજાપતના પુત્ર અલ્પેશ (ઉંમર વર્ષ 27) તેની બહેન અંજુ (ઉંમર વર્ષ 22) પત્ની કિશન પ્રજાપત સાથે પિંડવાડાથી તેમના ઘરે જઈ રહ્યો હતો ત્યારે કિવરલી નજીક પાછળથી આવતી એક ઝડપી કારે બાઇકને જોરથી ટક્કર મારતાં તેનું મોત નીપજ્યું હતું. અકસ્માત એટલો ભયંકર હતો કે અથડાયા બાદ સ્પીડમાં આવતી કાર ત્રણથી ચાર વખત રોડ પર પલટી મારીને રોડની બીજી બાજુએ પડી હતી.

અકસ્માતમાં કારને ખુબજ નુકસાન થયું હતું, આ અકસ્માતમાં કાર સવાર શંકરભાઈ (ઉંમર વર્ષ 24) રહે. ઈકબાલગઢ ગુજરાતનું મોત થયું હતું. અકસ્માત બાદ આસપાસના લોકો ઘટના સ્થળે પહોંચી ગયા હતા અને એમ્બ્યુલન્સ અને પોલીસને ઘટનાની જાણ કરી હતી.