મોઢેરા-મહેસાણા હાઇવે પર સામસામે બે ગાડીઓ વચ્ચે સર્જાયો અકસ્માત, ત્રણ મહિનાની બાળકી સહીત 9 લોકો...

મહેસાણા(ગુજરાત): ગુજરાત રાજ્યમાં અવારનવાર અકસ્માતના બનાવો સર્જાતા હોય છે. તે દરમિયાન લાખો લોકો પોતાનો જીવ ગુમાવી રહ્યા છે. તેવામાં ફરી એક વાર મોઢેરા-મહેસાણા હાઇવે પર ગણેશપુરા પાટિયા નજીક સામસામે બે ગાડી ધડાકાભેર અથડાતાં અકસ્માત સર્જાયો હતો. બંને ગાડીમાં સવાર સાડા ત્રણ મહિનાની બાળકી સહિત 9 વ્યક્તિ ઘાયલ થયા હતા.

મળતી માહિતી મુજબ, સોમવારે મોઢેરાના અમરપુરાવાસમાં રહેતા વકીલ નિલેશભાઇ સેંધાભાઇ નાયી તેમની સાડા ત્રણ મહિનાની દીકરી આરાધ્યાને રસી મુકાવવા માટે મહેસાણા જઈ રહ્યા હતા. આ દરમિયાન પત્ની છાયાબેન, દીકરો વ્રજ અને આરાધ્યા કારમાં જઈ રહ્યા હતા.

જયારે બપોરે 2-30 વાગે રસી મુકાવી ઘર તરફ રવાના થયા હતા, ત્યારે ગણેશપુરા પાટિયા અને વિજાપુરડા વચ્ચે મોઢેરા તરફથી રોંગ સાઇડ પર આવતી બીજી ગાડીના ચાલકે તેમને ટક્કર મારી હતી. આ અકસ્માતમાં નિલેશભાઇને જમણા પગે ઘૂંટણે ફેક્ચર થયું હતું. હાલ આઇસીયુમાં દીકરી આરાધ્યાને દાખલ કરાઇ હતી. બીજી તરફની ગાડીમાં સવાર પાંચે મુસાફરો પણ ઈજાગ્રસ્ત થયા હતા.