November 05, 2024
રશિયા-યુક્રેન યુદ્ધ(Russia-Ukraine War): પાકિસ્તાની અધિકારીઓ પણ યુક્રેન-રશિયા યુદ્ધમાં હરિયાણાના અંકિતના વખાણ કરી રહ્યા છે. હકીકતમાં, રશિયન હુમલા દરમિયાન અંકિતે પાકિસ્તાની યુવતીનો જીવ બચાવ્યો અને તેને રોમાનિયા બોર્ડર પર લઈ ગયો. અંકિત ત્યાંની પોલિટેકનિક ઇન્સ્ટિટ્યૂટમાં યુક્રેનિયન ભાષાનો વિદ્યાર્થી છે.
અંકિતે જણાવ્યું કે, 25 ફેબ્રુઆરીએ બપોરે 2.30 વાગ્યે સંસ્થાથી ત્રણ કિલોમીટર દૂર બ્લાસ્ટ થયો હતો. જે બાદ લગભગ 80 વિદ્યાર્થીઓને બંકરમાં મોકલવામાં આવ્યા હતા. તેઓમાં હું એકમાત્ર ભારતીય હતો. ત્યાં એક પાકિસ્તાની છોકરી મારિયા હતી જે ખૂબ જ ડરી ગઈ હતી. આજુબાજુ સતત વિસ્ફોટો થયા પછી, મેં ત્યાંથી જવાનું નક્કી કર્યું.
બોમ્બ ધડાકા વચ્ચે પગપાળા સ્ટેશને પહોંચ્યા
તેણે કહ્યું કે, જ્યારે મારિયાને મારા બહાર નીકળવાની ખબર પડી તો તેણે પણ સાથે લઇ જવા વિનંતી કરી. તેના પરિવાર સાથે ફોન પર વાતચીત થઈ અને 28 ફેબ્રુઆરીએ અમે બંને કિવના બગજાલા રેલ્વે સ્ટેશન માટે પગપાળા નીકળ્યા. બે દિવસથી કંઈ ખાધું નથી. તે ચાલવામાં અસમર્થ હતી. હું તેનો સામાન લઈને ગોળીબાર વચ્ચે તેણે લઈને 5 કિમી ચાલીને સ્ટેશન પહોંચ્યો. ત્યાં ઘણી ભીડ હતી. અમે ત્રણ ટ્રેન ચૂકી ગયા.
Trending News
જ્યારે માથાના ઉપરના ભાગેથી ગોળી નીકળી હતી
અંકિતે જણાવ્યું કે, તે જ દિવસે સાંજે 6 વાગે તે કોઈક રીતે ટ્રેનમાં ચડી ગયો હતો. એક કલાકની મુસાફરી બાદ ટ્રેકની બાજુમાં જોરદાર ધડાકો થયો હતો. ગોળીબાર શરૂ થયો. એક ગોળી અમારા માથા ઉપર બારીમાંથી પસાર થઈ ગઈ. ટ્રેનમાં બધા જ શ્વાસ રોકીને બેઠા હતા. અંતે 1 માર્ચે ટેર્નોપિલ સ્ટેશન પર પહોંચ્યા. ત્યાં મારિયા પાકિસ્તાની દૂતાવાસના અધિકારીઓ સાથે સંપર્કમાં આવી. સત્તાવાળાઓએ અમને ટેર્નોપીલ મેડિકલ યુનિવર્સિટીની હોસ્ટેલમાં મૂક્યા. અમારા માટે કોફી, બ્રેડ, સૂપની વ્યવસ્થા કરી.
આપણી નફરત કરતા આપણા બાળકોનું જીવન વધુ મહત્વપૂર્ણઃ પાક. અધિકારી
પાકિસ્તાની એમ્બેસીએ અંકિતના વખાણ કરતાં લખ્યું કે, એક ભારતીય છોકરો અંકિત અમારી દીકરીને અમારી પાસે લાવ્યો અને અમારું બાળક બચી ગયું. પુત્ર! ખુબ ખુબ આભાર હવે સમય આવી ગયો છે કે બંને દેશોના લોકો એકબીજાના પગ ન ખેંચે, પરંતુ પ્રેમ અને સમર્થન દર્શાવે. આપણી નફરત કરતા આપણા બાળકોનું જીવન વધુ મહત્વનું છે.
હું 24 કલાકથી રોમાનિયા બોર્ડર પર અટવાયેલો છું, દૂતાવાસ તરફથી જવાબ નથી મળ્યો
અંકિતે જણાવ્યું કે, અમને બંનેને પાકિસ્તાન એમ્બેસીએ પોતાના ખર્ચે ટેર્નોપિલથી રોમાનિયા બોર્ડર સુધી બસ દ્વારા મોકલ્યા હતા. બસ ડ્રાઇવરે અમને 15-20 કિમી અગાઉથી નીચે ઉતારી દીધા હતા. ત્યાંથી પગપાળા બોર્ડર પર જવાનું હતું. જ્યારે તેઓ સરહદ પર પહોંચ્યા ત્યારે હજારો લોકો હતા. હજુ સુધી અમને રોમાનિયા કેમ્પમાં પ્રવેશ મળ્યો નથી. હું બુધવારથી ભારતીય દૂતાવાસનો સંપર્ક કરી રહ્યો છું પરંતુ કોઈ જવાબ નથી મળ્યો. તાપમાન માઈનસ છે. મને તાવ છે અને મારું શરીર ખુબ જ દુખે છે. હજુ સુધી કોઈ તબીબી મદદ મળી નથી. સ્થાનિક લોકો વિદ્યાર્થીઓને મદદ કરી રહ્યા છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.