November 05, 2024
UPSC Success Story Mukendra Kumar: અડગ મનના માનવીને હિમાલય પણ નડતો નથી. આવી પ્રકારની અનેક કહેવતો આપણે સાંભળી હશે કે ક્યાય ને ક્યાય વાંચી પણ હશે. પ્રતિભા સંસાધનો પર આધારિત નથી. ઘણીવાર એવું કહેવામાં આવે છે કે સંજોગો ગમે તેટલા મુશ્કેલ હોય, વ્યક્તિએ સખત મહેનત કરવાનું બંધ ન કરવું જોઈએ, કારણ કે અંતે સફળતા ચોક્કસપણે પ્રાપ્ત થાય છે. જે આ વાતને વાસ્તવિક જીવનમાં સમજે છે, તે જ કંઈક મોટું કરે છે. યુપીના મુકતેન્દ્ર કુમાર તેનું ઉત્તમ ઉદાહરણ છે. આવો જાણીએ તેમના સંઘર્ષની કહાની.
મુક્તેન્દ્ર કુમાર ઉત્તર પ્રદેશના બિજનૌર જિલ્લાનો રહેવાસી છે. તે આર્થિક રીતે નબળા પરિવારમાંથી આવે છે. મળેલી માહિતી અનુસાર તેના પિતા ઈંટના ભઠ્ઠામાં મજૂર તરીકે કામ કરે છે.
Trending News
તેમના ઘરની હાલત એવી હતી કે વરસાદ દરમિયાન છત પરથી પાણી ટપકતું હતું, પરંતુ તેને રિપેર કરવા માટે પૂરતા સાધનો કે પૈસા નહોતા. મુક્તેન્દ્ર આ તમામ બાબતથી પરેશાન થવાને બદલે આ સંજોગોએ તેને જીવનમાં કંઈક મોટું કરવાની પ્રેરણા આપી.
મીડિયા સાથે વાત કરતા મુક્તેન્દ્ર કહે છે કે તેમનો પહેલો ધ્યેય પોતાના પરિવારની સ્થિતિ સુધારવાનો હતો. પહેલા તેને ફક્ત SSC પરીક્ષા વિશે જ ખબર હતી, પરંતુ જ્યારે તેને UPSC વિશે ખબર પડી તો તેણે તે પરીક્ષાને પાસ કરવા નું નક્કી કર્યું.
મુક્તેન્દ્ર કુમારે સતત ત્રણ વર્ષ સુધી યુપીએસસીની તૈયારી કરી અને બીજા પ્રયાસમાં આ પરીક્ષા પાસ કરીને પોતાનો નિર્ધાર બતાવ્યો. તેણે UPSC પરીક્ષા 2022માં 819મો રેન્ક મેળવ્યો છે.
ખાસ વાત એ છે કે મુક્તેન્દ્રએ આ પરીક્ષા હિન્દી માધ્યમમાંથી પાસ કરી છે. જેની સફળતાની ટકાવારી ઘણી ઓછી છે. તેની સફળતાથી તેના પરિવાર સહિત સમગ્ર ગામમાં ખુશીનો માહોલ છે. હવે મુક્તેન્દ્ર તેના ઘરનું સમારકામ કરાવવા માંગે છે અને તેની બહેનના લગ્ન પણ ધામધૂમથી કરાવવા માંગે છે. તેમની વાર્તા દરેક વ્યક્તિ માટે પ્રેરણા સ્ત્રોત છે જે આર્થિક રીતે નબળા પૃષ્ઠભૂમિમાંથી આવે છે અને તેની પાસે સંસાધનોનો અભાવ છે.
સ્ક્રીનને ડાબી તરફ સ્વાઇપ કરીને બીજા આર્ટિકલ્સ પણ વાંચો…. <—<—
અમારુ આ આર્ટીકલ વાચવા માટે તમારો ખુબ ખુબ આભાર,અમે આશા રાખીએ છીએ કે તમને અમારુ આ આર્ટીકલ ગમ્યું હશે આ આર્ટીકલ તમારા મિત્રો સાથે શેર કરો.
જીવન જરૂરિયાત તેમજ અન્ય મહત્વની માહિતી મેળવવા માટે આપણું સૌનુ ફેવરીટ @KhedutSupportPage ફેસુબક પેજ લાઇક કરો. આભાર…