November 18, 2024
બીઆરઓ(Badrinath National Highway) એ ગઇકાલે બદ્રીનાથ નેશનલ હાઇવે નજીક લાંબગઢ નાળા(Lambagad nallah)માં ઓવરફ્લો થતા કારમાં સવાર લોકોને બચાવી લીધા હતા. આ ભયાનક દ્રશ્યનો એક વીડિયો હવે સોશિયલ મીડિયા(Social media) પર વાયરલ થઈ રહ્યો છે. આપને જણાવી દઈએ કે ખરાબ હવામાન સામે ઝઝૂમી રહેલા ઉત્તરાખંડમાં પરિસ્થિતિ વધુ ખરાબ થઈ રહી છે. ભૂસ્ખલન(Landslides)ને કારણે ત્રણ મુખ્ય રાજમાર્ગો બંધ થયા હોવાના અહેવાલ છે. બીજી બાજુ બદ્રીનાથમાં બરફવર્ષાનો સમયગાળો શરૂ થયો છે. હજુ પણ ઘણા લોકો ફસાયેલા છે. મંગળવારે એક વીડિયો સામે આવ્યો. જેમાં બોર્ડર રોડ ઓર્ગેનાઇઝેશને ઉંચા નાળામાં ફસાયેલી કારમાં બેઠેલા લોકોને બચાવ્યા.
ન્યૂઝ એજન્સી ANI એ મંગળવારે તેનો એક વીડિયો જારી કર્યો હતો. જેમાં તમે જોઈ શકો છો કે BRO નું JCB મશીન મુશ્કેલ પરિસ્થિતિમાંથી કારને બહાર કાી રહ્યું છે. આ ઘટના સોમવારે કહેવામાં આવી રહી છે. મળતી માહિતી મુજબ, બદ્રીનાથ નેશનલ હાઇવે પર લાંબગઢ નાળામાં ઓવરફ્લો થતા વાહન ફસાઇ ગયું. BRO એ JCB ની મદદથી મજબૂત પ્રવાહમાં ફસાયેલી કારને સુરક્ષિત બહાર કાી હતી.
Trending News
આ સિવાય ANI એ વધુ એક વીડિયો બહાર પાડ્યો છે. જેમાં બતાવવામાં આવ્યું છે કે, કેદારનાથ મંદિરથી પરત ફરતી વખતે એસડીઆરએફ અને પોલીસે જંગલ છટ્ટીમાં ફસાયેલા 22 જેટલા શ્રદ્ધાળુઓને અવિરત વરસાદ વચ્ચે બચાવી લીધા હતા. તેમને ગૌરી કુંડમાં ખસેડવામાં આવ્યા છે. ચાલવામાં મુશ્કેલીનો સામનો કરી રહેલા 55 વર્ષીય ભક્તને સ્ટ્રેચર પર લઈ જવામાં આવ્યા હતા.
વડાપ્રધાન નરેન્દ્ર મોદીએ ઉત્તરાખંડના મુખ્યમંત્રી પુષ્કર ધામી અને રાજ્ય મંત્રી અજય ભટ્ટ સાથે વાત કરીને ભારે વરસાદને કારણે સર્જાયેલી પરિસ્થિતિનો તાગ મેળવ્યો હતો. સોમવારે સતત બીજા દિવસે ઉત્તરાખંડમાં ભારે વરસાદને કારણે નેપાળના ત્રણ મજૂરો સહિત પાંચ લોકોના મોત થયા હતા અને અન્ય બે ઘાયલ થયા હતા. અન્ય એક ઘટનામાં, ચંપાવત જિલ્લાના સેલખોલા ખાતે ભૂસ્ખલન બાદ બે લોકોના ઘર ધરાશાયી થયા બાદ મૃત્યુ પામ્યા હતા, એમ સ્ટેટ ઇમરજન્સી ઓપરેશન સેન્ટરે જણાવ્યું હતું.
હિમાલયના મંદિરોમાં વાહનોની અવરજવર અસ્થાયી રૂપે સ્થગિત કરવામાં આવી છે. ઋષિકેશમાં પેસેન્જર વાહનોને ચંદ્રભાગા બ્રિજ, તપોવન, લક્ષ્મણ ઝુલા અને મુનિ-કી-રેતી ભદ્રકાળી અવરોધને પાર કરવાની મંજૂરી નથી. મુખ્ય પ્રધાન પુષ્કર સિંહ ધામીએ યાત્રાળુઓને હવામાન સામાન્ય બને ત્યાં સુધી તેમની યાત્રા બે દિવસ માટે સ્થગિત કરવાની અપીલ કરી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.