November 24, 2024
સરકારી તંત્રના લીધે નિર્દોષ પ્રજાને હંમેશા મુશ્કેલી સહન કરવાનો વારો આવે છે. આ વાતને સાચી સાબિત કરતો એક વિડિયો વલસાડથી સામે આવ્યો છે. આમ તો તંત્ર સામાન્ય નાગરિકો પાસે નિયમ પળાવવા માટે મસમોટા દંડ જનતા પર થોપી દે છે. પરંતુ જાતે જ નિયમોનું ઉલ્લંઘન કરે ત્યારે જનતાને ભોગવવાનો વારો આવે છે. આવી જ એક ઘટના વલસાડ શહેરમાં બની છે. બેચર રોડ પર જ્યાં મન ફાવે ત્યાં સ્પીડ બ્રેકર બનાવી દેવાતા અકસ્માતો થઈ રહ્યા છે.
વલસાડમાં સ્પીડ બ્રેકરને લીધે થયો અકસ્માત
વલસાડ સીટીના માર્ગ પર રાતોરાત સ્પીડ બ્રેકર બનાવી દેતા અકસ્માત સર્જાયો છે. બેચર રોડ પર કોર્ટની બરાબર સામે રાતોરાત સ્પીડ બ્રેકર બનાવી દેતા ટુવિલર ની પાછળ બેસેલી મહિલા બાઇક પરથી રોડ પર નીચે ગબડી પડે છે.
વલસાડમાં તંત્રના પાપે અકસ્માત..! આડેધડ સ્પીડ બ્રેકર બનાવ્યું, અકસ્માત બાદ તંત્રનું આત્મજ્ઞાન-ચૂનો માર્યો#ValsadNews #ValsadAccident #ValsadAccidentCase #ValsadSpeedBreakerAccident pic.twitter.com/Wv5MNsLXFC
— Dinesh Chaudhary (@DineshVTVNews) November 24, 2024
આ અકસ્માતમાં વીડિયોમાં જોઈ શકાય છે તેમ મહિલા બે થી ત્રણ ગુલાટ ખાઈ જાય છે જેના લીધે તેને ગંભીર ઇજાઓ થવા પામી હતી. જોવાનું તો એ છે કે આ સ્પીડ બ્રેકર પર કોઈપણ પ્રકારનું નિશાન કે સફેદ પટ્ટાઓ દોરવામાં આવેલા ન હતા. જેનાથી ઘણા વાહનચાલકોને અડચણનો સામનો કરવો પડે છે.
Trending News
સ્પીડ બ્રેકર પર ચૂનો લગાવ્યો
જોકે આ સમગ્ર ઘટના બન્યા બાદ તેનો વિડીયો વાયરલ થતાં કેટલાક જાગૃત નાગરિકોએ સ્પીડ બ્રેકર પર ચૂનો લગાવ્યો હતો. જોકે આ કામ સરકારી તંત્રનું છે પણ પ્રજાએ પોતાની જાતને બચાવવા માટે જાતે જ આ કામ કરવું પડ્યું હતું. ભાગમાં તંત્રના ધ્યાને આ વાત આવતા તેમના પર કલર વાળો જૂનો લગાવી અને પટ્ટાઓ દોર્યા હતા.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App