November 11, 2024
સમયની સાથે શસ્ત્રો બનાવતી કંપનીઓ ખૂબ જ આધુનિક બની રહી છે. વિશ્વના વિવિધ દેશો પાસે હાઈટેક હથિયારો આવી ગયા છે. આ હાઈટેક હથિયારોથી બચવા માટે ખાસ સાધનો પણ બનાવવામાં આવે છે, જેનો ઉપયોગ સુરક્ષા દળોના લોકો કરે છે, પરંતુ સંરક્ષણમાંથી શસ્ત્રો બનાવતી કંપનીઓ સામાન્ય નાગરિકોની સલામતી વિશે વિચારતી નથી. પરંતુ હવે એક કંપનીએ સામાન્ય નાગરિકોની પણ કાળજી લીધી છે અને એવું ટી-શર્ટ બનાવ્યું છે કે, જે લોકોને છરીના હુમલાથી બચાવશે.
બ્રિટિશ આર્મર મેકિંગ કંપની (British Armour Making Company) PPSS ગ્રુપ શરીરની સુરક્ષા કવચ બનાવવા માટે જાણીતું છે. આ કંપની એવા કવચ બનાવે છે, જે સામાન્ય લોકો પણ ખરીદી શકે છે. જો કે આ કંપનીએ પહેલાથી જ ગોળીઓ અને અન્ય હથિયારોથી બચવા માટે ઘણા બખ્તરો બનાવ્યા છે, પરંતુ સામાન્ય નાગરિકોના જીવનની સુરક્ષા માટે, તેણે એક ખાસ ટી-શર્ટ બનાવ્યું છે, જે તેમને છરીના ઘા થી પણ બચાવી શકે છે.
Trending News
અવારનવાર એવું જોવા મળતું હતું કે, શહેરના સુનસાન વિસ્તારોમાં ગુનેગારો શહેરીજનોને છરીના ઘા ઝીંકીને સામાનની ચોરી કરીને નાસી જાય છે. પરંતુ PPSS ગ્રૂપના આર્મર નાગરિકો છરી વડે હુમલાના ગુનેગારોના ભયને દૂર કરશે. વાસ્તવમાં, આ ખાસ ટી-શર્ટ કાર્બન ફાઈબરમાંથી બનાવવામાં આવી છે. તમને જણાવી દઈએ કે કાર્બન એટમથી બનેલા 5-10 માઇક્રોમીટરના ફાઈબરને કાર્બન ફાઈબર કહેવામાં આવે છે.
હવે કાર્બન ફાઈબરથી બનેલા આ આર્મર ટી-શર્ટની કિંમત વિશે વાત કરીએ તો, હાફ સ્લીવ વી-નેક ટી-શર્ટની કિંમત લગભગ રૂ. 16,000 છે. જ્યારે ફુલ સ્લીવવાળી ટી-શર્ટની કિંમત લગભગ 19 હજાર રૂપિયા છે. આ દિવસોમાં, આ ટી-શર્ટ સાથે સંબંધિત એક વીડિયો ફોસબાઇટ્સ નામના ફેસબુક પેજ પર ખૂબ વાયરલ થઈ રહ્યો છે, જેને કરોડો લોકો જોઈ ચૂક્યા છે. વીડિયોમાં લોકો ટી-શર્ટનું ટેસ્ટિંગ કરતા જોઈ શકાય છે. છરી વડે અનેક વાર માર મારવામાં આવ્યો હોવા છતાં લોકોના શરીર પર એક પણ ઘસરકાના નિશાન દેખાતા નથી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.