માનતા પૂરી થતા એક ભક્તે મંદિરમાં ૧૦૧ કિલો ચાંદીનું દાન કર્યું- આ મંદિરમાં પૂરી થાય છે દરેકની મનોકામના

વિંધ્યાચલમાં (Vindhyachal) આવેલ પ્રસિદ્ધ મા વિંધ્યવાસની (Vindhyavas) મંદિરમાં એક ભક્તે પોતાની મનોકામના પૂર્ણ થવા પર 101 કિલો ચાંદીથી બનેલો દરવાજો દાનમાં(Donations) આપ્યો હતો. મળતી માહિતી અનુસાર, આ દરવાજાની કિંમત 80 લાખ રૂપિયા આંકવામાં આવી રહી છે.

મિર્ઝાપુરના વિંધ્યાચલ સ્થિત પ્રસિદ્ધ મા વિંધ્યવાસની મંદિરમાં એક ભક્તે પોતાની મનોકામના પૂર્ણ કરવા પર 101 કિલો ચાંદીથી બનેલો દરવાજો ચડાવ્યો હતો. મંદિરના ગર્ભગૃહના પ્રવેશદ્વાર પર વૈદિક મંત્રોચ્ચાર બાદ મુખ્ય દ્વાર પર આ ચાંદીનો દરવાજો સ્થાપિત કરવામાં આવ્યો હતો. તેની કિંમત 80 લાખ રૂપિયા આંકવામાં આવી છે.

આ દરવાજો સાડા પાંચ ફૂટ લાંબો અને બે ફૂટ પહોળો છે. તે રાજસ્થાનથી બનાવવામાં આવ્યું છે. ચાંદીનો દરવાજો લગાવવા માટે રાજસ્થાનના ઝુંઝુનુ જિલ્લામાંથી પાંચ કારીગરો પણ લાવવામાં આવ્યા હતા. મંદિરમાં જ્યાં ચાંદીનો દરવાજો સ્થાપિત કરવામાં આવ્યો હતો ત્યાં પહેલા પિત્તળનો દરવાજો હતો.

ચાંદીના દરવાજાનું દાન આપનાર ભક્ત રાંચીના રહેવાસી છે. આ પ્રસંગે માતા વિંધ્યવાસિનીના દરબારમાં વિશેષ પૂજા અને ભંડારાનું આયોજન કરવામાં આવ્યું હતું. ભક્ત સંજય ચૌધરીએ જણાવ્યું કે તેઓ લગભગ 25 વર્ષથી રાંચીથી વિંધ્યાચલ આવી રહ્યા છે. સંજય અને તેમનો પરિવાર બંને નવરાત્રિમાં માતા વિંધ્યવાસિનીની પૂજા કરવા આવે છે.