November 15, 2024
છતીસગઢ: રવિવારે સવારે 11.15 થી 11.25 ની વચ્ચે સિકોસા સ્ટેશન નજીક કેવટી-રાયપુર ટ્રેનની અડફેટે આવતા મૂળ દેવીનવાગાંવ ના રહેવાસી તોમન લાલ સાહુ (59 વર્ષ)નું કરુણ મૃત્યુ થયું છે. આ હાલતમાં તોમનને ટ્રેનમાંથી જ બાલોદ રેલવે સ્ટેશન લાવવામાં આવ્યા હતા. અહીં આવ્યા બાદ તેને તાત્કાલિક એમ્બ્યુલન્સ દ્વારા જિલ્લા હોસ્પિટલમાં લઈ જવામાં આવ્યા હતા,પણ રસ્તામાં જ તેનો શ્વાસ બંધ ગયો હતો.
જિલ્લા હોસ્પિટલમાં લાવ્યા બાદ ડોક્ટરોએ તેની તપાસ કરી અને મૃત જાહેર કર્યા. ટ્રેનમાં સવાર મુસાફરોના જણાવ્યા મુજબ, તોમનલાલે સવારે મરોડાથી લતાબોદની ટિકિટ કપાવી હતી. જે પછી સવારે 10.30 વાગ્યે મરોડા ટ્રેનમાં આવ્યા. જ્યારે ટ્રેન ગુંદરદેહી થઈને સિકોસા પહોંચવાની હતી, ત્યારે પ્લેટફોર્મની પહેલાની સીટ પર બેઠેલા અને નીચે ઉતરવાનો પ્રયત્ન કર્યો.ત્યારે તેના પગ લપસી જવાના કારણે તેના શરીરનો અડધો ભાગ, પગની જાંઘ પાસેનો ભાગ ટ્રેનના પાટા સાથે અથડાયો હતો.
ચીફ સ્ટેશન માસ્ટર પી કે વર્માએ જણાવ્યું કે, ઘટનાને કારણે ટ્રેન નિર્ધારિત સમય માટે બંધ કરવામાં આવી હતી. આ એક અકસ્માત છે, સાચું કારણ હજુ સુધી બહાર આવ્યું નથી. તપાસ બાદ જ વાસ્તવિકતા બહાર આવી શકે છે. હાલમાં પોલીસ દ્વારા જણાવવામાં આવ્યું છે કે, આ આત્મહત્યાનો કિસ્સો નથી, જો તેને આવું કરવું જ હોય તો તેણે ટ્રેનમાં ટિકિટ કાપીને મુસાફરી ન કરી હોત. તે સિકોસા પાસે ચાલતી ટ્રેનમાંથી શા માટે ઉતરી રહ્યા હતા તે તપાસનો વિષય છે. એવી પણ શક્યતા છે કે, એક બાજુ મુસાફરોની ભીડ હશે, તેથી તેઓએ વિરુદ્ધ દિશામાંથી ઉતરવાનો પ્રયાસ કર્યો હશે અને પગ લપસવાને કારણે અકસ્માત થયો હશે.
Trending News
મરોડા રેલ્વે વિભાગના કર્મચારી ટીકારામ સાહુએ જણાવ્યું કે, મૃતક મરોડાથી રાશન લેવા માટે દર મહિને ગામમાં આવતા હતા. તેમણે જણાવ્યું હતું કે, મૃતકના સંબંધીઓને ઘટના અંગે તરત જ જાણ કરવામાં આવી હતી. તે પોતાના પરિવાર સાથે મરોડામાં રહેતા હતા. પહેલા મજૂરો કોન્ટ્રાક્ટર હેઠળ બીએસપી પ્લાન્ટમાં કામ કરતા હતા. દેવીનવાગાવના દર્શન નેતમ, શેષકુમાર નિષાદે જણાવ્યું કે મૃતકને બે દીકરા અને બે દીકરીઓ છે. તેમના ભાઇનો પરિવાર દેવીનગાવમાં રહે છે. તે દર મહિને સોસાયટીમાં ચોખા કે અન્ય વસ્તુની ખરીદી કરવા માટે ગામની મુલાકાત લેતા હતા. ગયા મહિને જ પગપાળા આવતા જોયા હતા. ગામમાં જ પરિવાર દ્વારા દિવાળી પર્વની ઉજવણી કરવામાં આવી હતી. દર મહિને ઓછામાં ઓછું એક વખત આવતા, ગામમાં એક એકર ખેતીની જમીન પણ છે
આ કેસની તપાસ કરી રહેલા રેલવે પોલીસના એસઆઈ લોકનાથ પ્રધાને જણાવ્યું હતું કે, દેવી નવાગાવના તોમનલાલનું ટ્રેનની અડફેટે આવવાથી મોત થયું છે. તે મરોડાથી લતાબોડ તરફ આવી રહ્યા હતા. તે દરમ્યાન અકસ્માત થયો, બંને પગથી નીચેનો ભાગ કપાઈ ગયો હતો. હોસ્પિટલમાં લઈ જવામાં આવે તે પહેલા જ તેનું મોત નીપજ્યું હતું. તેથી, રેલવે દ્વારા આગળની કાર્યવાહી કરવામાં આવશે. તેમણે જણાવ્યું હતું કે જો જિલ્લા હોસ્પિટલમાં સારવાર દરમિયાન તેનું મૃત્યુ થયું હોત તો બાલોદ પોલીસે કાર્યવાહી કરી હોત. ઘટનાને કારણે પેસેન્જર ટ્રેન ઘણી મિનિટ સુધી બાલોદ રેલવે સ્ટેશન પર ઉભો રહ્યો હતો.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.