ગર્લફ્રેન્ડને લઈને પતિ-પત્ની વચ્ચે થયો ઝઘડો, તો પતિ પોતાની પત્નીનું નાક કાપી ખીચ્ચામાં મૂકી થયો ફરાર

Uttar Pradesh Husband absconded after cutting off wife nose: ઉત્તર પ્રદેશના લખીમપુર ખેરી જિલ્લામાં એક યુવકે તેની પ્રેમિકા માટે પત્નીનું નાક કાપી નાખ્યું, પછી તેને ખિસ્સામાં રાખી અને ભાગી ગયો. જ્યારે પત્નીએ આરોપી પતિ વિરુદ્ધ પોલીસ સ્ટેશનમાં FIR નોંધાવી તો પોલીસે તેની શોધ શરૂ કરી અને પછી તરત જ તેની ધરપકડ કરવામાં આવી હતી.

એક ન્યૂઝ એજન્સી અનુસાર બંસતલી ગામના રહેવાસી વિક્રમના લગ્ન થોડાં વર્ષ પહેલાં મોહમ્મદબાદ ગામની રહેવાસી સીમા દેવી સાથે થયા હતા. લગ્ન બાદ બંનેને બે સંતાનો પણ થયા, પરંતુ આ દરમિયાન વિક્રમનું અફેર ગામની જ અન્ય એક મહિલા સાથે શરૂ થયું હતું. જ્યારે સીમાને આ વાતની જાણ થઈ તો તેણે તેનો વિરોધ કર્યો.

આ બાબતે બંને વચ્ચે રોજ ઘરમાં ઝઘડો થતો હતો, પીડિતાની પત્નીના જણાવ્યા મુજબ, શનિવારે રાત્રે લગભગ 8:00 વાગ્યે વિક્રમે તેને પહેલા ભોજન બનાવવાનું કહ્યું, જે તેણે રાંધીને આપ્યું. આ પછી ફરી તેમની વચ્ચે તે મહિલાને લઈને ઝઘડો શરૂ થયો. આથી વિક્રમે પોતાનો ગુસ્સો પોતાની દીકરી પર કાઢવા માંડ્યો. જ્યારે તેણે તેને મારવાનું શરૂ કર્યું ત્યારે પત્ની સીમાએ દરમિયાનગીરી કરવાનો પ્રયાસ કર્યો. આ દરમિયાન વિક્રમે તિક્ષ્ણ હથિયાર વડે પત્નીનું નાક કાપી નાખ્યું હતું, પછી ખિસ્સામાં મૂકી ત્યાંથી ભાગી ગયો.

લોહીલુહાણ થયેલી પત્ની એ જ હાલતમાં પોલીસ સ્ટેશન પહોંચી અને પતિ વિરુદ્ધ FIR નોંધાવી. પોલીસે પીડિતાની પત્ની સીમા દેવીની ફરિયાદના આધારે આરોપી પતિ વિક્રમ વિરુદ્ધ કેસ નોંધ્યો છે. આ પછી પોલીસે સીમા દેવીને સારવાર માટે જિલ્લા હોસ્પિટલમાં દાખલ કરી, જ્યાં તેની સારવાર ચાલી રહી છે.