November 18, 2024
છત્તીસગઢ: છત્તીસગઢના બલરામપુર જિલ્લામાંથી એક ચોંકાવનારો વીડિયો સામે આવ્યો છે. આમાં એક યુવક સ્કૂલની છોકરીને લાત અને મુક્કાથી માર મારતો જોવા મળે છે. છોકરી ત્યાં જ બેહોશ થઈને પડી ગઈ હતી. એવું કહેવામાં આવી રહ્યું છે કે, યુવકનો એકતરફી પ્રેમ છે, જ્યારે યુવતી રાજી ન થઈ ત્યારે તેણે સ્કૂલ બસમાંથી નીચે ઉતરી છોકરી બેહોશ થઇ ત્યાં સુધી માર માર્યો હતો. આ બનાવ કરોંધા પોલીસ સ્ટેશનની કુસમીનો છે. બાળકીની ફરિયાદના આધારે આરોપીની ધરપકડ કરવામાં આવી છે.
આ ઘટનાનો વીડિયો પણ સામે આવ્યો છે. આ વીડિયો અન્ય કોઇએ નહીં, પરંતુ આરોપીએ તેના મિત્રને કહીના બનાવડાવ્યો હતો. વીડિયોમાં તેમનો અવાજ પણ સંભળાય છે. વીડિયોમાં સ્પષ્ટ દેખાય છે કે, યુવક યુવતીને નિર્દયતાથી મારતો હતો. એટલું જ નહીં, યુવક યુવતી સાથે ગંદી રીતે દુર્વ્યવહાર પણ કરી રહ્યો છે.
Trending News
મળતી માહિતી અનુસાર, આ વીડિયો 2 જી ઓગસ્ટનો છે. પીડિત તે દિવસે સ્કૂલથી બસમાં પરત ફરી રહી હતી. ત્યારે બસ જે જગ્યાએ અટકે છે ત્યાં આરોપી રાહુલ પહેલેથી જ તેના બે મિત્રો સાથે ઉભો હતો. ત્યારબાદ, યુવકે વિદ્યાર્થીને બસમાંથી ખેચીને નજીકના પેસેન્જર વેઇટિંગ રૂમમાં ખેંચ્યો અને તેને મારવાનું શરૂ કર્યું હતું. યુવકે યુવતીને એટલી મારી હતી કે તે બેહોશ થઈ ગઈ હતી. ત્યારબાદ, આરોપીએ તેના ભાઈને ફોન કર્યો અને તેને સ્થળ પર બોલાવ્યો હતો. ત્યારબાદ બાળકીને હોસ્પિટલમાં દાખલ કરવામાં આવી હતી.
સમગ્ર ઘટના બાદ યુવકે વીડિયો વાયરલ કર્યો હતો. વીડિયોમાં તેનો મિત્રો કહે છે કે, અહીં ડાન્સ ચાલી રહ્યો છે. હું પછી ફોન કરીશ, હું એક વીડિયો બનાવું છું. આ દરમિયાન, તબિયત સારી થયા બાદ યુવતીએ કારોંધા પોલીસ સ્ટેશનમાં કેસ દાખલ કર્યો હતો. ત્યારબાદ, આરોપી રાહુલની ધરપકડ કરવામાં આવી છે અને તેને જ્યુડિશિયલ રિમાન્ડ પર મોકલવામાં આવ્યો છે.
પીડિત વિદ્યાર્થીએ જણાવ્યું હતું કે, રાહુલ તેને 4 મહિનાથી પરેશાન કરી રહ્યો હતો. મને ખબર નથી કે કોણે તેને મારો મોબાઈલ નંબર આપ્યો છે. તે ફોન કરીને બળજબરીથી વાત કરવા કહેતો, જે મને ગમતું ન હતું. જ્યારે તેણીએ વાત ન કરી, ત્યારે તેને શંકા હતી કે હું કોઈ બીજા સાથે વાત કરી રહ્યો છું. આ શંકાના આધારે તેણે મને માર માર્યો હતો.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.