November 05, 2024
હાઇવે પર ફોટોશૂટ અને રીલ બનાવી રહેલા પાંચ છોકરાઓને બોલેરો કેમ્પરે કચડી નાખ્યા હતા. જેમાંથી ત્રણ ગંભીર રીતે ઘાયલ છે. મળતી માહિતી મુજબ, આ બધા એકબીજાના મિત્રો છે અને સોશિયલ મીડિયા પર ફોટા અને વીડિયો અપલોડ કરવાના શોખીન છે. પાંચેય દરરોજ રીલ બનાવવા માટે અલગ-અલગ જગ્યાએ જતા હતા. અકસ્માતમાં ગંભીર રીતે ઘવાયેલાઓને ગુજરાતના પાલનપુર રિફર કરવામાં આવ્યા છે.
આ મામલો બાડમેરના ધોરીમન્ના શહેરનો છે. મળતી માહિતી મુજબ, ગુરુવારે સાંજે 7 વાગ્યે 11માં ધોરણમાં ભણતા ગોવિંદ કુમાર, હનુમાન રામ, સુનીલ કુમાર, રમેશ કુમાર અને બુધરામ નેશનલ હાઈવે-68 પર મોંઘા કેમેરાથી શૂટિંગ કરી રહ્યા હતા. ત્યારે પૂરપાટ ઝડપે આવી રહેલી બોલેરો કેમ્પરે તેમને ટક્કર મારી હતી.
અકસ્માત બાદ હાઇવે પર હોબાળો મચી ગયો હતો અને ચારે તરફ લોહી લોહી દેખાતું હતું. હાઈવેના ઓવરબ્રિજ પર બનેલી આ ઘટનાને પગલે બંને તરફ લાંબો જામ થઈ ગયો હતો. ઓવરબ્રિજ નીચે ઉભેલા લોકોએ છોકરાઓને કચડતા જોયો તો તેઓ ઘટના સ્થળે પહોંચી ગયા. પાંચેયને તાત્કાલિક હોસ્પિટલમાં લઈ આવ્યા.
Trending News
એએસઆઈ એ જણાવ્યું કે, અકસ્માત બાદ કેમ્પર ડ્રાઈવરની ઘટનાસ્થળે ધરપકડ કરવામાં આવી હતી. ત્રણ ઘાયલ સુનીલ, હનુમાન અને ગોવિંદને સાંચોર રીફર કરવામાં આવ્યા હતા. હાલત નાજુક બનતા ત્રણેયને ગુજરાતના પાલનપુર રીફર કરવામાં આવ્યા હતા. જ્યાં તેઓને સારવાર આપવામાં આવી રહી છે. પોલીસે જણાવ્યું કે ઘાયલ સુનીલ ઘરમાં એકમાત્ર પુત્ર છે. તેના પિતા ખેડૂત છે. બીજી તરફ નેદીનાડીના રહેવાસી હનુમાનના પિતા મજૂરી કામ કરે છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરો.