January 31, 2025
MahaKumbh Amrit Snan: મૌની અમાસના શાહી સ્નાન વખતે પ્રયાગરાજમાં આયોજિત મહાકુંભમાં ભયંકર નાસભાગ મચી જેમાં અત્યાર સુધીમાં 17 જેટલા મોતની આશંકા (MahaKumbh Amrit Snan) વ્યક્ત કરવામાં આવી રહી છે. જોકે આ નાસભાગની ઘટના બનવા પાછળનું કારણ બેરિકેડ તૂટી જવાનું જણાવાઈ રહ્યું છે, જેના લીધે ઘટનાસ્થળે અફરા તફરી મચી ગઇ હતી.
સંગમ કિનારે કઈ ઘટના બની?
ઘટનાની જાણકારી મળતાં જ પોલીસ અને વહીવટી તંત્રએ ત્વરીત કાર્યવાહી કરતાં રાહત-બચાવ કામગીરી શરૂ કરી હતી. પોલીસે પછી તૂટી ગયેલા બેરિકેડનું સમારકામ કરાવી મહાકુંભમાં ભીડને નિયંત્રિત કરવાનો પ્રયાસ કર્યો હતો.
Trending News
કેવી રીતે નાસભાગ મચી?
માહિતી અનુસાર એક પ્રત્યક્ષદર્શીએ કહ્યું કે રાતે 2 વાગ્યે શ્રદ્ધાળુઓની ભારે ભીડ સંગમ કિનારે ઉમટી હતી. આ દરમિયાન જ બેરિકેડનો એક હિસ્સો તૂટ્યો અને નાસભાગ મચી ગઈ. જોત જોતામાં સ્થિતિ બેકાબૂ થઇ અને લોકો બેફામ આમ-તેમ ભાગવા લાગ્યા. જેના લીધે અનેક લોકોની વસ્તુઓ નીચે પડી ગઇ અને જે લોકો વસ્તુઓ ઉપાડવા નમ્યા તે ભીડ નીચે કચડાઈ ગયા. તેણે કહ્યું કે ઘણાં લોકોએ બચવા પ્રયાસ કર્યો પણ કોઈ બચવાની જગ્યા ન મળી. બધા વિખેરાઈ ગયા. અનેક ઘાયલ પણ થયા છે. સ્થિતિ જ એવી હતી કે કોઈને ખબર ના પડી શકે ખરેખર શું થઇ રહ્યું છે.
ભારે ભીડ બની પડકાર?
મૌની અમાસ પર સંગમ કિનારે સ્નાન માટે ભક્તોની ભારે ભીડ ઉમટી હતી. પોલીસ અને વહીવટી તંત્ર માટે આ ભીડને કાબૂમાં કરવી એ મોટો પડકાર બની ગયો હતો એટલા માટે જ બેરિકેડિંગની વ્યવસ્થા કરવામાં આવી હતી પણ વધારે પડતી ભીડને કારણે સ્થિતિ બેકાબૂ થઇ ગઇ.
આ મામલે શું કહ્યું મહામંડલેશ્વર સ્વામી પ્રેમાનંદ પુરીજીએ
મહામંડલેશ્વર સ્વામી પ્રેમાનંદ પુરીજી મહારાજે કહ્યું કે આપણા દેશમાં સેવાભાવી લોકો એની કોઈ કમી નથી. જો આ મહાકુંભ સેનાને હવાલે કરવામાં આવ્યો હતો તો મને નથી લાગતું કે આટલી મોટી દુર્ઘટના થઈ હોત. અમને આ ઘટનાનું ખૂબ દુઃખ છે. અખાડાઓ તો જે પ્રશાસન વ્યવસ્થા કહે છે તેમના અનુસાર જ ચાલે છે. અમે લોકો સંવિધાનિક વ્યવસ્થામાં વિશ્વાસ રાખીએ છીએ અને જે સમય ધાર્મિક રીતે આ મેળાની જવાબદારી પ્રશાસનની છે જે તેને સંપન્ન કરાવે.
અન્ય કેટલાક સંતોનું કહેવું છે કે આ ભાગદોડ વીઆઈપી કલ્ચરને લીધે બની છે. જો પોલીસ સ્ટાફ વીઆઈપી લોકોની સરભરામાં ન ગયો હોત તો અહીંયા પૂરતી વ્યવસ્થા રાખી શકાય હોત. પરંતુ આ વીઆઈપી લોકોને લીધે સામાન્ય લોકોને જીવ ગુમાવવાનો વારો આવ્યો છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો:
- Trishul News Gujarati iPhone App