April 28, 2024
બેંગ્લોર(Bangalore): ઘણીવાર જે લોકો એડવેન્ચર(Adventure) પસંદ કરે છે તેઓ પહાડો પર ટ્રેકિંગ કરવા જાય છે. પરંતુ, કેટલીકવાર આ લોકો અકસ્માતનો ભોગ પણ બને છે, અને તેમને તાત્કાલિક મદદ કરવા માટે કોઈ નથી. આવો જ એક કિસ્સો કર્ણાટક(Karnataka)માં સામે આવ્યો છે. અહીં દિલ્હી(Delhi)નો એક 19 વર્ષીય વિદ્યાર્થી પર્વતો પર ટ્રેકિંગ(Tracking) માટે આવ્યો હતો. પરંતુ કોઈ કારણસર તે 300 ફૂટ ઉંડી ખીણમાં ફસાઈ ગયો હતો. તે ત્યાંથી ક્યાંય જઈ શકતો ન હતો. આવી સ્થિતિમાં ભારતીય વાયુસેના(Indian Air Force)એ હેલિકોપ્ટર(Helicopter)ની મદદથી આ વિદ્યાર્થીનો જીવ બચાવ્યો હતો. તેનો વીડિયો સોશિયલ મીડિયા(Social media) પર વાયરલ થઈ રહ્યો છે.
આ ઘટના કર્ણાટકમાં બેંગ્લોરથી લગભગ 60 કિલોમીટર દૂર નંદી ટેકરી પર બની હતી. વાસ્તવમાં બેંગ્લોરની એન્જિનિયરિંગ કોલેજમાં ભણતો દિલ્હીનો 19 વર્ષીય વિદ્યાર્થી ખાડામાં પડી ગયો અને ત્યાં જ ફસાઈ ગયો. નિશંક એકલો ટ્રેકિંગ કરવા આવ્યો હતો અને ખાડામાં પડ્યો હતો. સારી વાત એ છે કે, તે પહાડ પરથી લપસીને એક જગ્યાએ ફસાઈ ગયો હતો. જો તે ત્યાંથી લપસી ગયો હોત તો લગભગ 300 ફૂટ નીચે ભેખડ પર પડી ગયો હોત અને તેણે જીવ ગુમાવ્યો હોત.
#WATCH Karnataka | Indian Air Force and Chikkaballapur Police rescued a 19-year-old student who fell 300 ft from a steep cliff onto a rocky ledge at Nandi Hills this evening pic.twitter.com/KaMN7zBKAJ
— ANI (@ANI) February 20, 2022
નિશંક લાંબા સમય સુધી તે જગ્યાએ અટવાયેલો હતો. આ પછી તેણે મોબાઈલની મદદથી પોલીસ કંટ્રોલ રૂમમાં મેસેજ કર્યો અને પોતાનું લોકેશન જણાવીને તાત્કાલિક મદદ માંગી. થોડી જ વારમાં એસડીઆરએફ અને એનડીઆરએફની સાથે પોલીસની ટીમ બચાવ માટે સ્થળ પર પહોંચી ગઈ. પરંતુ ત્યાંના સંજોગો એવા હતા કે આ બધી ટીમો ઈચ્છવા છતાં પણ તેની મદદ કરી શકી નહીં.
Trending News
એક પોલીસ અધિકારીએ જણાવ્યું કે જ્યારે બધાએ હાર સ્વીકારી તો અમે ભારતીય વાયુસેનાનો સંપર્ક કર્યો અને તેમને સમગ્ર મામલાની જાણકારી આપી. તેને વિદ્યાર્થીને બચાવવા માટે કહેવામાં આવ્યું. આવી સ્થિતિમાં તેને બચાવવા માટે એરફોર્સ તેના હેલિકોપ્ટર સાથે તરત જ ત્યાં પહોંચી ગયું હતું.
Indian Airforce saved a young trekker stuck in Bramhagiri Rocks in Nandi Hills after slipping and falling 300 feet below.
A Mi17 helicopter was promptly launched and after an intense search and with the ground guidance of local police. @PIBBengaluru @DDChandanaNews @airnews_bang pic.twitter.com/3p5xpKWtuS— PRO Bengaluru, Ministry of Defence (@Prodef_blr) February 20, 2022
સંરક્ષણ વિભાગ દ્વારા જારી કરવામાં આવેલા નિવેદનમાં કહેવામાં આવ્યું છે કે, તે પછી યુવકને બચાવવા માટે Mi-17 હેલિકોપ્ટર તૈનાત કરવામાં આવ્યું હતું. એરફોર્સના જવાનોએ યુવાનને ખાઈમાંથી બહાર કાઢવામાં સફળતા મેળવી હતી. આ સમગ્ર રેસ્ક્યુ ઓપરેશનનો વીડિયો પણ સોશિયલ મીડિયા પર ખૂબ વાયરલ થઈ રહ્યો છે. આમાં જોવા મળે છે કે, કેવી રીતે એરમેનોએ મુશ્કેલ સંજોગોમાં વિદ્યાર્થીને મોતના મુખમાંથી બચાવ્યો.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
