November 20, 2024
હરિયાણાના પલવલ જીલ્લામાં 3 મેના રોજ ગેંગરેપના કેસમાં પોલીસે બે આરોપીની ધરપકડ કરી છે. તમને જણાવી દઈએ કે, આ ઘટનામાં પીડિતાએ 20 થી વધુ લોકો સામે ગેંગરેપની ફરિયાદ નોંધાવી હતી, ત્યારબાદ પોલીસએ આરોપીની શોધમાં કાર્યવાહી હાથ ધરી છે. આ ગેંગરેપની ઘટનામાં મુખ્ય આરોપી તો તે મહિલાનો ફેસબુક મિત્ર અને પ્રેમી આકાશ છે. આરોપ એ છે કે કુલ 25 લોકોએ મહિલા પર ગેંગરેપ કર્યો હતો.
અત્યારે હાલમાં પોલીસે આરોપીને 2 દિવસ માટે પોલીસે રિમાન્ડ પર લીધો છે, જ્યારે પહેલાથી પકડાયેલા આરોપી આકાશને કસ્ટડીમાં મોકલી દીધો છે. સુત્રો દ્વારા મળતી માહિતી અનુસાર, પીડિતા તેના ભાઈ સાથે દિલ્હીમાં રહેતી હતી. ફેસબુકના માધ્યમથી તેણે પલવાલના રામગઢ ગામના યુવાન આકાશ સાથે મિત્રતા કરી. થોડા મહિનાની મિત્રતા પછી, તેમના સંબંધ પ્રેમમાં ફેરવાઈ ગયા અને તેઓએ લગ્ન કરવાનું નક્કી કર્યું હતું.
પોલીસે કરેલી કાર્યવાહી અનુસાર આ ગેંગરેપનો મુખ્ય આરોપી આકાશ હતો. આકાશે પીડિતાને પલવાલનમાં રહેલા તેના માતાપિતા સાથે પરિચય આપવાના બહાને બોલાવી હતી, પછી પીડિતાને જંગલમાં લઈ ગયો અને બળાત્કાર ગુજાર્યો હતો. આટલું જ નહીં, આકાશના મિત્રોએ પણ બદલામાં મહિલા પર દુષ્કર્મ આચર્યું હતું. જ્યારે મહિલાની હાલત કથળી ત્યારે તેઓ તેને દિલ્હી નજીકના રણના સ્થળે છોડીને ભાગી છૂટ્યા હતા.
Trending News
યુવતીએ પલવાલ પોલીસને આપેલા નિવેદનમાં જણાવ્યું છે કે, જ્યારે તેની હાલત કથળી ત્યારે તે બધા તેને બદરપુર બોર્ડર પર છોડીને ભાગી છૂટ્યા. ત્યારબાદ તેણે આ બનાવની જાણ તેના ભાઈને ફોન પર કરી હતી. આ પછી, 12 મેના રોજ આ મામલો હસ્નુપર પોલીસ સ્ટેશનમાં જાણ કરવામાં આવ્યો હતો. જે બાદ પોલીસે કાર્યવાહી કરી આરોપીની ધરપકડ કરી હતી.
હસનપુર પોલીસ સ્ટેશનના પ્રભારી રાજેશ કુમારના જણાવ્યા અનુસાર પીડિતા મૂળ દેહરાદૂનની છે અને તેણે ત્રણ મહિના પહેલા જ ફેસબુક પર આરોપી સાથે દોસ્તી કરી હતી. મહિલા એક કંપનીમાં કામ કરે છે, જ્યારે આરોપી ખેતી કરે છે. પોલીસના જણાવ્યા મુજબ આ ગેંગરેપમાં સામેલ અન્ય આરોપીઓની ધરપકડ કરવા પોલીસ તેમની શોધખોળ કરી રહી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news
અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.