અગિયારસના પાવન પર્વે ખાટુશ્યામ મંદિરમાં ઉમટી લાખોની ભીડ- નાસભાગમાં ત્રણ મહિલાના મોત, એકની હાલત ગંભીર

રાજસ્થાનના સીકર (Sikar, Rajasthan) ના ખાટુશ્યામ મંદિર (khatu shyam mandir) માં સોમવારે સવારે નાસભાગ મચી ગઈ હતી. આ નાસભાગમાં 3 મહિલાઓના મોત થયા છે. જ્યારે 4 લોકો ઘાયલ થયા છે. એકાદશી નિમિત્તે દર્શન માટે ભક્તોની ભીડ નોંધપાત્ર રીતે વધી ગઈ હતી ત્યારે સવારે 5 વાગ્યે આ અકસ્માત થયો હતો. મોડી રાતથી જ ભક્તોની લાઈનો લાગી હતી. સવારે મંદિરના દરવાજા ખોલતાની સાથે જ નાસભાગ મચી ગઈ હતી.

રાજ્ય સરકારે મૃતકોને 5-5 લાખ રૂપિયાનું વળતર આપવાની જાહેરાત કરી છે. મુખ્યમંત્રી અશોક ગેહલોતે ઘટનાની તપાસના આદેશ આપ્યા છે. ડિવિઝનલ કમિશનર વિકાસ સીતારામ ભાલે સમગ્ર મામલાની તપાસ કરશે. તપાસ પહેલા જ જિલ્લા પ્રશાસને અકસ્માતને નાસભાગ ગણવાની ના પાડી દીધી છે. સીકરના કલેક્ટર અવિચલ ચતુર્વેદીએ જણાવ્યું હતું કે પ્રવેશદ્વાર દર્શન માર્ગનો ગેટ ખોલતી વખતે ભીડના દબાણને કારણે આ અકસ્માત થયો હતો.

સ્થિતિ નિયંત્રણમાં, દર્શન ફરી શરૂ – પોલીસ
પોલીસે જણાવ્યું કે મંદિરની બહાર ભારે ભીડ એકઠી થઈ ગઈ હતી. મંદિરના દરવાજા ખુલતાની સાથે જ લોકો એકબીજાને ધક્કો મારીને આગળ વધવા લાગ્યા. કેટલાક લોકોએ જણાવ્યું કે ઝપાઝપીમાં એક મહિલા બેભાન થઈ ગઈ. જેના કારણે પાછળ આવતા લોકો પણ પડવા લાગ્યા હતા. નાસભાગના સમાચાર મળતા જ પોલીસની ટીમ મંદિરે પહોંચી હતી અને પરિસ્થિતિને સંભાળી હતી. મંદિરમાં દર્શન ફરી શરૂ થયા છે.

Saddened by the loss of lives due to a stampede at the Khatu Shyamji Temple complex in Sikar, Rajasthan. My thoughts are with the bereaved families. I pray that those who are injured recover at the earliest.

— Narendra Modi (@narendramodi) August 8, 2022