January 31, 2025
Mahakumbh 2025: મહારાષ્ટ્રના પુણેથી પ્રયાગરાજ મહાકુંભમાં સ્ન્નાન માટે એક પટેલ પરિવાર જઈ રહ્યો હતો. પરિવાર જ્યારે જબલપુરના બરગી પોલીસ સ્ટેશન વિસ્તારના કાલાદેહી ગામમાંથી પસાર થઈ રહ્યો હતો, ત્યારે તે દુર્ઘટનાનો શિકાર થઈ ગયા હતા. રોડ દુર્ઘટનામાં પતિ-પત્ની (Mahakumbh 2025) સહિત અન્ય એક યુવકનું મૃત્યુ થયું છે. તેમજ એક વ્યક્તિ ગંભીર રીતે ઘાયલ થયો છે. જબલપુરના પ્રાઇવેટ હોસ્પિટલમાં ઈલાજ માટે દાખલ કરવામાં આવ્યો છે. તેમજ જાણકારી મળતા જ પોલીસ ઘટના સ્થળે પહોંચી હતી અને ત્રણ લાશને પોસ્ટમોર્ટમ માટે મોકલી છે. મૃતકના પરિવારજનોને જાણકારી આપવામાં આવી છે.
આ સમગ્ર ઘટના 24 જાન્યુઆરીની સાંજે લગભગ 4:30 વાગ્યે બની હતી. મહારાષ્ટ્રના પુણે થી પ્રયાગરાજ કુંભમાં જઈ રહેલ પટેલ પરિવારના ચાર સભ્યો પોતાની ઇનોવા કારથી જઈ રહ્યા હતા. જેવા તેઓ કાલાદેહી ગામ નજીક પુલ પાસે પહોંચ્યા અચાન કાર અનિયંત્રિત થઈ ગઈ અને પુલ સાથે અથડાઈ ગઈ. આ ટક્કર એટલી જોરદાર હતી કે તે રોડની નીચે ઉતરી ગઈ હતી. કારની અંદર રહેલા તમામ લોકો ઘાયલ થઈ ગયા હતા. કારમાં સવાર મૃતકોમાં નીરુ પટેલ, વિનોદ પટેલ અને શિલ્પા પટેલના મૃત્યુ થયા હતા. જ્યારે નરેશ પટેલ ગંભીર રીતે ઘાયલ છે.
પોલીસે હોસ્પિટલ પહોંચાડ્યા
ઘટના અંગે માહિતી મળતા પોલીસની ટીમ સ્થળ પર પહોંચી હતી. પોલીસ અધિકારીએ પોતાના નેતૃત્વમાં ઈમરજન્સી સેવા શરૂ કરી હતી. પોલીસે ક્રેન અને એમ્બ્યુલન્સની મદદથી ઘાયલોને કારની બહાર કાઢ્યા હતા અને તેમને તત્કાલ ઈલાજ માટે નેતાજી સુભાષચંદ્ર બોઝ મેડિકલ કોલેજ મોકલવામાં આવ્યા હતા. મેડિકલ કોલેજ મોકલવામાં આવેલ નીરુ પટેલ, વિનોદ પટેલ અને શિલ્પા પટેલને ડોક્ટરે મૃત જાહેર કર્યા હતા. ઘાયલ નરેશ પટેલનો ઈલાજ ચાલી રહ્યો છે.
Trending News
વધારે પડતી સ્પીડને કારણે થઈ દુર્ઘટના
પોલીસે મૃતકોની લાશને પોસ્ટમોર્ટમ માટે મોકલી દીધી છે અને પરિવારજનોને પણ જાણકારી આપી છે. પોલીસે જણાવ્યું હતું કે પ્રારંભિક તપાસમાં એવું લાગી રહ્યું છે કે વધારે પડતી ઝડપને કારણે કાર અનિયંત્રિત થઈ હતી. જેના કારણે આ ભયાનક અકસ્માત થયો છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App